Followers

Wednesday, May 27, 2020

දියැඳි සිතුවම්...14

~14~ ගැට ලිහීම

වයිට් බෝඩ් එක ඉස්සරහ හිටගත්ත විජිත තුන්දෙනා දිහා සැලකිල්ලෙන් බැලුව. හිතුවට වඩා චැලේන්ජින් නේද.. ඕකේ අපි බලමු ජිග්සොපසල් එක හදන්න.මට ඔය තුන්දෙන දුන්න ඉන්ෆො ලයිනප් කලාම මෙහෙම පැටන් එකක් එනව..බලමු ඉතිරිය ෆිල් කරගන්න..කියපු විජිත බොඩ් එකේ ලියන්න ගත්තා.

01. ගාමිණි රාජසේකර - චයාමන් ( යුනික් ෆිනෑන්ස් ) - මැරුන / සැක - ඊයම් විශ වීම

02.ඊයම් විශ වීම ගැන කිසිම එවිඩන්ස් එකක් නෑ.

03. කෝල් හිස්ට්‍රි එකෙන් හෙලි උන රාජසේකර සහ විසාකා ඒකනායක ( යුනික් ෆිනෑනස්- ඕනර්) අතරෙ ‍යම් විශේෂ සම්භන්දයක්

04. හැබැයි මේ දෙන්න අතරෙ කිසි අනවශ්‍ය සම්බන්ධ යක් තිබ්බ බවට එවිඩන්ස් නෑ.

05.රාජසේකරගේ මියයාමෙන් කාටවත් විශේෂ දේපල ප්‍රතිලාභයක් ලැබෙන්නෙත් නෑ

06.හැබැයි රාජසේකර යම් දෙයකට බයේ ජීවත් වෙලා තියෙන්නෙ.

07.රාජසේකර ළග වැඩකරපු පියන් අකිල අතුරුදන්.ඔහු පෙනීසිටි පුද්ගලය නොවේ.
ඔහු කවුද..?

08.හැබැයි ඒ පියන් අකිල හා රාජසේකර ගෙ හිතවතෙක් වෙන විමල් බාස් කියන අයගෙ සම්බන්යක් තියනව.( පියන් පාවිච්චි කරල තියෙන්නෙ විමල්ගෙ අයි ඩී එක වෙනස් කරල)

09.අවුරුදු තුනක් තිස්සෙ විමල් බාසුත් අතුරුදන්.

10.විමල් බාස් ලඟ ගෝලයෙක් ඉඳල තියනව.විමල් ගියාට පස්සෙ මිනිහත් ගිහින්.

සර් එතැනට මට දෙයක් ඇඩ් කරන්න තියනව ෆාතිමා කිව්ව.යස් ෆාතිමා ..ගො අහෙඩ්.. හේමාල් ගෙනාව විමල්ගෙ නම්බර් එකේ රෙකෝඩ්ස් මම චෙක් කලා අර මුදලාලි කියපු විදියට විමල් කෝල් කරල තියෙන්නෙ මිනිහගෙ තිස්මඩ ගෙදර ඉඳන්. අපි දැන් දන්නව මිනිහ කවදාවත් එහෙ ගියෙ නෑ කියල. මිනිහගෙ ගෙදර අයගෙ සාක්ශි වලින්.. මට ඒක ටෙක්නිකලිත් පෲ කරන්න පුලුවන්. සර් මේක ඉලීගල් දෙයක්, මම ඔය සර්විස් ප්‍රොවයිඩර්ගෙ මේන් ෆ්‍රේම් එක හැක් කලා..ත්‍රී ඉයර්ස් බැක් රෙකෝඩ්ස් නෙ.. කොහොම හරි මට ඒක ගන්න පුලුවන් උනා.මුදලාලිට කෝල් එක ආපු වෙලාවෙ ඔය විමල් ගෙ ෆොන් එක තිබිල තියෙන්නෙ.මිනිහ ගෙ ගරාජ් එකේමයි... මොනවා... විජිත ඇහුවෙ පුදුමෙන් ... ඔව් සර් සිග්නල් ටවර් එක තියෙන්නෙ ඒ ළඟමයි.ෆෝන් එක වෙන ඒරියා එකකට ගිහින් නෑ.ගුඩ් ජොබ් ෆාතිමා ගුඩ් ජොබ් ..
කියපු විජිත විමල් බාස් ගෙ ගෝලයා කියන එක රවුම් කලා.. දැන් අපිට ඕනෙ මූව..

සර් එකොලොස් වෙනි පොයින්ට් එකකුත් තියනව හේමාල් කිව්ව ..ඒ මොකද්ද පුතා..

11. ඩී.අය .ජී.නාගරත්න
- වික්ටර් ඒකනායක ( යුනික් ෆිනෑන්ස් අයිතිකරු) මැරුන. අරලියා ඒකනායක( දියනිය) මැරුන, ගාමිණි රාජසේකර ( යුනික් ෆිනෑන්ස් ච්‍යාමන්) මැරුන. විසාකා ඒකනායක ,ඔත්පලයි.
ඒකනායක ෆෝචූන් එක නිකන්ම ඩී.අයි.ජී ගෙ ඔඩොක්කුවට වැටුන..
ද එහෙම නැත්නම් වට්ට ගත්තද නේ.. විජිත හේමාල් ගෙ කතාව සම්පූර්න කලා..

හැබැයි ඔය මරන ස්වාභාවික ඒවනෙ නේ ෆාතිමා ඇහුව.අපි ඒ ගැන ෆුට් නෝට්ස් දාල තිබ්බ.. ඉන්න කියපු ෆාතිමා කොලයක් ගත්තා,
රයිට් මේ තියෙන්නෙ, වික්ටර් ගෙ මරනය ස්වාභාවිකයි.කාලයක් තිස්සෙ තිබ්බ හාට් ප්‍රොබ්ලම් එකක්
වික්ටර් ගෙ වයිෆ් චයිල්ඩ් බර්ත් එකකදි, ස්වාභාවිකයි
වික්ටර් ගෙ සෙකන්ඩ් වයිෆ් පැරලයිස් උනේ වැටිල..ස්වාභාවිකයි
වික්ටරගෙ දුව කාර් ඇක්සිඩන්ට් එකක්,හැබැයි කෙල්ල ඩ්‍රග්ස් අරන් ඉඳල තියනව ඒ වෙලාවෙ,
ගාමිණි රාජසේකරත් ඊයම් විශ වීම තවම සැකයක් නෙ
නෑ ෆාතිමා මේ අතරෙ මොකක් හරි කොස්සක් තියනව. මේ මිනිස්සු එකෙක් ට එකෙක් ලින්ක් වෙන විදිය දැක්කද,
විමල් බාස්, මිනිහගෙ ගෝලය,අකිල පියන් තමා මේ පසල් එකේ මිස් වෙච්ච කෑලි.. මේ තුන හොයා ගත්තනං අපිට මේක කම්ප්ලීට් කරන්න පුලුවන් විජිත කිව්ව.
හේමාල් කැන්ඩි යන්න පොලොව පෙරලල හරි.. මේ විමල් බාස්.... පොඩ්ඩක් ඉන්න .. මොනාහරි මතක් උන විජිත ෆයිල් ගොඩ අවුස්සන්න ගත්තා...කෝ කෝඅර මුදලාලිගෙ ස්ටේට්මන්ට් එක.. ආ සර් ෆාතිමා පේපර් එක දුන්නා..
"
// නෑ සර් මිනිහ ගියාට පස්සේ කෝල් කලේ. තිස්මඩ හදිසියේම ආවාය.ගෝලය හෙට කඩේ යතුර ගෙනත් දෙයිය,ඒක මං එනකන් තියාගන්න කියල කිව්ව.. ඉතිං ..? පහුවෙනිදා මට ඇට් හෝම් ගෙදරකට යන්න තිබ්බ නිසා මම එදාම හවස ගියා යතුරු ඉල්ලගන්න.කොහෙද අර යකා බිම සිමෙන්ති දැමිල්ලක් කරනව ඒ අස්සෙ." //

//"මොනා උනත් අර ගෝල කොල්ල බිම සිමෙන්ති ටික දාල ගිය නිසා එතන පොඩ්ඩක් කල එලි උනා. "//

මේ චේද දෙක හයි ලයිට් කරපු විජිත හිනා වෙන්න පටන් ගත්තා..

බිම සිමෙන්ති දාල,බිම සිමෙන්ති දාලා... ආහ්.. ඇයි මට මේක කලින් නෝට් උනේ නැත්තෙ.. විජිත කිව්වෙ මේසෙටතදින් ගසමින්... ළමයි විමල් බාස් පහුගිය අවුරුදු තුනේම හිටියෙ ගරාජ් එකේම තමයි..
හැබැයි පොලව යට .. විජිත කිව්වෙ, කමල්,හේමාල් ,ෆාතිමා පුදුමෙන් බලන් ඉඳිද්දි.
අපි හෙටම යනව පැනිදෙණියෙ ගරාජ් එකට,කියපු විජිත කෝල් එකක් ගත්තා චීෆ් විජිත, හොඳයි චීෆ්, ඔව්.. ඔව්.. ඒගැන තමයි.මට හෙට පොලිස් පර්මිශන් ඇන්ඩ් ඇසිස්ටන්ස් ඕනෙ වෙනව බොඩි එකක් සම්බන්ධ වැඩකට.. ඔව් චීෆ් තවම සැකයක් විතරයි. ඔව් කේස් එකට ඩිරෙක්ට් ඉන්වෝල්.. ඔව්... තෑන්කස් චීෆ් කියපු විජිත කට්ටිය දිහාවට හැරුන.. තේකක් බොමුද...???

තුෂාර ආසිරි .

දියැඳි සිතුවම්...13

~13~ මොනවද බොන්නෙ...?

ආ.. අයියෙ.. මොකද මේ පැත්තෙ, විසාක ඇහුව.මට ටික දවසකින් එන්නත් බැරි උනානෙ ඒකයි ආවෙ.කොහොමද රාජසේකරගෙ මල ගෙදර හොඳට කෙරුනද..??නාගරත්න ඇහුවෙ ඔලොක්කු හිනාවක් එක්ක,විසාකට ඒක හොඳට තේරුන, හොඳට කෙරෙන්න මඟුල් ගෙදරක් නෙවෙයි නෙ..මරනයක්... විසාක කිව්වෙ තරහින්..මොකද උබට ඔච්චර තරහ යන්නෙ.නංගි මේ ඕව පෙන්නපං වෙන එවුන්ට මේ මට පෙන්නන එන්න එපා.ඔව්..උඹ මේ යහතින් ඉන්නෙ මම නිසා කියල දැනගනිං..අනේ ඔව්.. විසාකා පුටුවෙන් ආපහු නැගිට්ට.. ඒවට හිලව් වෙන්න මගෙ රීරි මාසෙම උරාබීල එනව මෙතන...නංගී... මේ අහපං...මම මේ උඹේ කටේ සද්දෙ බලන්න නෙවේ ආවෙ.උඹෙ ඔය සද්ද නවත්තන හැටිත් මම දන්නව.මම ආවෙ වැදගත් කාරනයක් කියන්න.ලබන සුමානෙ ලොකු පුතා ලංකාවට එනව.ඇත්තටම මමයි මිනිහට කිව්වෙ වහාම එන්න කියල.උඹ අදම කම්පැනි සෙකට්‍රිට කතාකරල ඒ ළමය චයාමන් විදියට ඇපොයින්ට් කරන්න ලෑස්ති කරන්න ඕනෙ. ඒක කියන්නයි මම ආවෙ...බෑ.. ඒක කරන්න බෑ කොහොමත්..අයියට නුවරඑළිය වත්තයි,කොළඹ ගෙදරයි දෙකම දුන්න, රාජසේකරගෙ ශෙයාස් ඔක්කොමත් ට්‍රාන්ස්ෆර් කලා,තව චයාමන් කමත්...,මට ආරංචීයි කොළඹ ගෙදර විකුනල කියලත්.ඔව් ඉතිං නිකං ලැබුනාම අගයක් නෑනෙ.මම කොහොමත් අයියට කොම්පැනියෙ චයාමන් කම දෙන්නෙ නෑ.ඔහොම ගියොත් මට පාරට බහින්න තමයි වෙන්නෙ.විසාක කිව්වෙ තරහින් පුපුරමින්.පුටුවටත් පයින් ගහගෙන නාගරත්න නැගිට්ට... බැල්ලි තොට පාරට තමයි බහින්න වෙන්නෙ, මම කියන විදියකට කලේ නැත්නම්,පාරට විතරක් නෙවෙයි මම තෝව අඩි හයක් යටටත් අරිනව.. නාගරත්න කිව්වෙ අත් මිට මොලවගෙන.. හා..ඇරපං බලන්න පුලුවන් නම්.. උඹට පුලුවන් දෙයක් කරපන්..මාවත්පුලුවන් නම් මරල දාපන්. එතකොට උඹට ලේසීනෙ.කරුනාකරල මෙතනින් පලයං,මට උඹව පේන්න බෑ.මේව මගෙ වැරදි.. මගෙ පවුකාරකං වලට මගේම අයිය නිසා මට මාව ආරක්ශාකරගනී කියල හිතුව.ඒත් උඹ කරන්නෙ මාව නොමර මරන එක.උඹ නිසා තමයි රාජසේකරත් කාත් කවුරුත් නැති මිනිහෙක් වගේ මැරිල ගියෙ, අනේ මට ඒ මනුස්සයට වතුර ටිකක් වත් දෙන්න බැරිඋන.ඉන්න කාලෙදිත් ඒ මනුස්සය හිටියෙ හිතින් මැරි මැරී,
ඔව් තොපේ පවු වලට එහෙම වෙලා මදි,නාගරත්න කිව්ව.අයියෙ දැන්වත් පලයං මට වදනොදී.. විසාක අඬ අඬා ඇවිත් නාගරත්න තල්ලු කලා.පලයං... අත ඇරපිය බැල්ලි මාව කියපු නාගරත්න,විසාකව තල්ලු කලා,වේගෙන් විසිවෙලාගිය විසාක බිම වැටුනෙ පුටුඇන්දකත් වදිමින්.ඩක් හඩක් නගමින් වැටුනු විසාකා කිසි හැලහොල්මනක් නැතුව ඒත් තදින් හුස්ම අදිමින් හිටියා.කාරය දිහාවට ඇවිදගෙන ගිය නාගරත්න ආපහු ගෙට ගොඩවෙල විසාක ගාවට ගියා.පැලුනු ඔලුවෙන් ගලන ලේවලින් පෙගිච්ච කොන්ඩෙන් මූනෙ පැත්තක් වැහුනු විසාකා අමාරුවෙන් හුස්ම එකතු කරමින් හිටිය.
මොකද නාගෙ විසාකට උනේ, කෝල් එක ආපු ගමන්ම හොස්පිටල් එකට ඇවිත් විසාක චෙක් කරපු කන්සල්ටන් නාගරත්න ගෙන් ඇහුව.මම දවල් ගියස් විජේ නංගි බලන්න.මෙයා මේ දවස් ටිකේ කිය කියා හිටියෙ කැරකිල්ල වගේ කියල, මම ඒත් කිව්ව පොඩ්ඩක් විජේට කෝල් කරල ඇපොයින්මන්ට් එකක් දාගන්නත්,ඒත් දන්නවනෙ විසාකගෙ හැටි.මම ගිහින් කතාකරල එන්න යද්දි එකපාරටම කලන්තෙ දාල වැටුන.මම හිටියෙත් අල්ලන දුරක නෙවෙයි.බයවෙන්න දෙයක් නෑ නාගෙ, තවම සිහිය නැත්තෙ ශොක් එක නිසා වෙන්න ඕනෙ.ඔලුවෙ පිටිපස්ස වැදිල තියන නිසා පොඩි රිස්ක් එකක් තියනව.බලමු අපි... මම ඔක්කොම බලගන්නම් කියපු ඩොක්ට ආය රෑම් එක ඇතුලට ගියා.
සති එක හමාරකට පස්සෙ විසාක ආය ගෙදර ගියෙ රෝද පුටුවෙන්,විසාකගෙ ඇගේ කොටසක් පන නැති අංශබාග ගතිය ඇතිඋනේ හිසේ පිටුපස පහල ස්නායු හානිඋන නිසා කියල ඩොක්ටර්ස්ල තීරනය කලා,කාලයත් එක්ක සුව අතට හැරෙයි කියලයි තීරනය උනෙ.
සර්.. හේමාල් කතාකරනව.. ඔව් හේමාල් කියන්න විජිත කිව්ව. සර් විසාකා ඒකනායක ගැන. ඔව් හේමාල් එනි නිව් ඉන්ෆො... ඔව් සර් විසාකා ඇක්සිඩන්ට් වෙලා.අද තමයි ගෙදර ගියෙ.. ඒ මොකද හේමාල් ,ගෙදරදි වැටිල, ස්නායු ඩැමේජ් වෙලා කියල තමයි මෙඩ් රිපෝර්ට්ස් වල තියෙන්නෙ, මේ ව කොහොමද මෙහෙම වෙන්නෙ පුතා... හොඳටම ශුවර් ද ඇක්සිඩන්ට් එකක් කියල... ඔව් සර් මේක වෙලා තියෙන්නෙ විසාකගෙ අයියා..ඩී.අයි.ජී.නාගරත්නත් ඉන්න වෙලාවක. ඩී.අයි.ජී ම තමයි විසාකා ව හොස්පිටල් ගෙනියලත් තියෙන්නෙ. පොලිස් ඉන්ක්වාරමන්ට් එකක් කරලද.. ඔව් සර් සාමාන්‍යයෙන් ගෘහ අණතුරක් විදියට වාර්තාකරල තියනව.හ්ම්.. ඔකේ..එනිතින්ග් එල්ස්..විජිත ඇහුව.. නෝ සර්... මොනාහරි තිබ්බොත් මම කියන්නම් කියපු හේමාල් ෆෝන් එක කට්කල.ටිකක් කල්පනා කරපු හේමාල් තව කෝල් එකක් ගත්තා.
මහනුවර පොලිස්ටේශන් සර්.. ආ හෙලෝ මම අයි.පී හේමාල් ,මට දෙන්න අයි.පී ලසන්ත, ක්‍රයිම්... සර් අයි.පී ලසන්ත දැන් ට්‍රැෆික් බ්‍රාන්ච් ඉන්නෙ, මම දාන්නං කියපු ඔපරේටර් කෝල් එක ට්‍රාන්සර් කලා, අයි.පී.ලසන්ත.. යස් .. ලසා මම හේම... අම්මට හුඩු.. යකෝ පුදුමයි උඹට අපි මතක් උනා..ඉතිං ඉතිං ... ලසන්ත ඇහුව.. මේ මම නුවර ආව ඊයෙ යාලුවෙක් එක්ක පොඩි බිස්නස් වැඩකට, ඈ බං උඹ දැන් බිස්නසුත් කරනවද.. දන්නැද්ද ලසා පොඩි ඉඩම් බිස්නස් එකක්, අපිට ඉතිං උඹලට වගේ පිටවාසි නෑනෙ හේමාල් හිනාවෙවී කිව්ව. යාලුව කෙලින්ම ගියා නුවරඑළියෙ,ඌ එන්නෙ හෙට උඹ මම ඉන්න හොටෙල් එකට වරෙන් හවස් වෙල පොඩ්ඩක් සෙට් වෙමු... අනිව... යකෝ නුවරටත් ඇවිල්ල උඹට සලකන්නෙ නැතුව යවන්න පුලුවන්ද.. ලසන්ත කිව්ව.. මේ උඹ මොනාද හේම බොන්නෙ... ඉස්සර වගේ ඕන දෙයක් බොනවනෙ නේ.. ඔව් ඔව්.. දන්නවනෙ.. ඒත් උඹ බෝතල් ගන්න එපා මගෙ ලඟ බොට්ල් එකක් තියනව.උඹ වරෙන්කො.. මම ඉන්නෙ සිටිවිව් හිටෙල් එකේ..එහෙනං හවස හම්බවෙමු.. කියපු ලසන්ත ෆෝන් එක තිබ්බ.
බෝතලෙන් බාගයක් විතර යද්දි හේමාල් ඩී.අයි.ජී.ගැන. කතාව පටන් ගත්ත. කොහොමද බං උබලගෙ ඩී.අයි.ජී. .. හහ් මිනිහ වැඩ්ඩ බං.. හැබැයි ගඳය.. ඕනෙ කුනුගොඩක් ඌට ඕනෙ විදියට හදාගන්න හැටි ඌ දන්නව.නැතුවත් බෑනෙ බං.. උඹලගෙ ඔය එකවුන්ට් බ්‍රාන්ච් එකේ වගේ නෙවේ බං.ෆීල්ඩ් එකේ.ගූ කේස් ... හැමදාම ගූ කේස්.. මේකෙ ඔලුව ගහල ඉන්න දර්මෙන් බෑ. උඹලට නං මොකද ෆයිල් එක ගත්ත.. ටිකි ටිකි ගාල කොම්පියුටර් එකට දැම්ම.. මේව කේස් බං.. ලසන්ත තව ශොට් එකක් දාගත්ත.මේ මගෙ පොඩි ලෝන් වැඩක් තියනව බං, තාම හෙඩ් ඔෆිස් එකෙන් ෆයිල් එක දාල නෑ.හොඳ කොල්ල වගේ ඒක බලල දීප.. ඒ අස්සෙ ලසන්ත ඒ වැඩත් කියනව.සිම්පල්නෙ බං මට ෆයිල් නම්බර් එක එවපන් මම බලන්නම් හේමාල් කිව්ව. ඉතිං බං මෑන් බැඳල..??ඔව් ඔව් ලොකු පුතෙකුත් ඉන්නව.. ළඟදි ආව රට ඉඳල.. අඔඑ ලොක්කත් ළඟදි රිටයර් වෙන්න්ලු බං යන්නෙ. අපරාදෙ... වැඩ්ඩෙක් බං... රියල් වැඩ්ඩෙක්.. කාලයක් පදවියෙත් හිටියනෙ බං.. කොටි කාලෙ... ඇයි බං කලින්ම රිටයර් වෙන්නෙ.. කතාව එහෙ මෙහෙ යන්න නොදී හේමාල් ට්‍රැක් එකට දාගත්ත.ලොක්කට මේව වැඩක් නෑ බං.. මෑන් තමයි දැන් ඔය මෑන්ගෙ නංගිගෙ වතුපිටි,කොම්පැනි ඔක්කොම රන් කරන්නෙ.රන් කරන්නෙ කිව්වට ලොක්කගෙම වගෙ තමයි. ඕවට දැන් කවුරු උරුම කං කියන්නද.. ඊයෙ පෙරේද ලොක්කගෙ නංගිත් ඇඳට වැටුන.නංගිගෙ මිනිහත් නෑ. ළමයත් මැරිල.. හේමා... වාසනාව කියන්නෙ ඕකට තමා බං.. කෝටි ගානක් නිකං හම්බුන වගේ. මේ සිංදුවක් කියමුද....ලස්ස ගනං වස්තු ලැබී.... ලසන්ත මේසෙට තට්ටු කරන්න පටන්ගත්තා.. හරි හරි. මේ ශොට් එකත් දාගනිං කියපු හේමාල් බෝතලේ අන්තිම ටිකත් ලසන්තගෙ වීදුරුව ට පිරෙව්වා.. හරි.. උඹ කියනවනං හරි... කියපු ලසන්නත ඒ වීදුරුව එක උගුරට හිස් කලා...


තුෂාර ආසිරි .

දියැඳි සිතුවම්...12

~12~ අනුන්ගෙ කුණු

ඔව් සර් මේ රෑපෙ ඉන්නෙ අකිල තමා.එතකොට තමුසෙ කියන්නෙ මිනිහගෙ ඩොකියුමන්ට් කියල තිබ්බෙ අයි ඩී කොපියකුයි,ඇප්ලිකේශන් එකයි විතරයි.කියල..කෝ ඒව... සර් ඔය ෆයිල් බන්ඩල් එකක කොහෙ හරි තියෙන්න ඕනෙ..කොහෙ හරි. ඕයි ඕව ෆයිල් කරන පිලි වෙලක් නැද්ද..?? හේමාල් ඇහුව.. ඒමනං නෑසර්.. මේ පොතේ නමයි, කොම්පැනියයි, මොබයිල් නොම්මරයි තියනවනෙ.පඩි මාක් කරන්නෙත් මේ පොතේ තමයි.. ලොක්ක කියල තියෙන්නෙ පොත් පත් ගොඩක් තියාගන්න එපා කියල.. මැනේජර් කිව්ව.ඔයි තමුසෙලගෙ ළග වැඩකරන මිනිහෙක් ඇබ්සන්ට් උනාම තමුසෙල මොනාද ඉස්සෙල්ලම කරන්න ඕනෙ,කතාකරනව ඕයි..බලන් ඉන්නෙ නැතුව කමල් ගුගුරව්ව.. ස..ස..සර් පොලිසියට කියන එක.. ඉතිං තමුසෙ ල ඒක කලාද..සර් මේ..අපේ ලොකු මහත්තය කියල තියෙන්නෙ කම්ප්ලේන් නැත්නං පොලිසි ගානෙ යන්න එපා කියල සර්.. කවුද තමුසෙලගෙ ලොක්ක.. සර් මේ.. රණවක මහත්තය.. අර පළාත් සබා මන්ත්‍රී තුමා...ආ.. එතුමද..?? කමල් ඇහුව.. ඔව් සර් දන්නවද..??ඒකනෙ සර් ප්‍රශ්නයක් නැනෙ එහෙනම් නේ... මෑන් පවර් එකේ මැනේජර් ඇහුවෙ අමාරුවෙන් මූනට හිනාවක් ගන්න ගමන්.ඕයි තමුසෙගෙ ලොක්ක මොන පකයෙක් උනත් නීතියට පිටින් යන්න බෑ.. තේරුනාද.. කමල් මැනේජර් ලඟට කිට්ටු උනා..මිනිහගෙ මූන ආයෙත් දියාරු වෙලා ගියා අඬන්න වගේ...තමුසෙලගෙ වැඩ ඔක්කොම නීති විරෝදීයි. බලනව හරියට රෙකෝඩ්ස් මේන්ටේන් වෙන්නෙ නෑ.තමුසෙල හිතන්නෙ තමුසෙලගෙ ලොක්ක කෙරුම කියලනෙ, ඊට වඩා කෙරුමො මේකෙ ඉන්නව, තේරුනාද.. කමල් කිව්වෙ මැනේජර් ගෙ ටයි එක අඹරල අදින ගමන්.තමුසෙ දැන්ම මේ මිනිහ ගැන මොනාහරි තොරතුරක් දෙන්න ඕනෙ.. එහෙ නැත්නම් තමුසෙව තමා ගිහින් ඇතුලට දාන්නෙ.හේමාල් කිව්වෙ ලිපිගොනු පෙරල පෙරල බලන ගමන්. මේ මිනිහට පඩි ගෙව්වෙ කොහොමද.?? මොන බැංකුවටද..හේමාල් ඇහුව... සර් මේ.. අපි සමහරක්ට පඩි දුන්නෙ කෑෂ් වලින්,මෙහෙට ඇවිත් තමයි ඒ අය පඩි අරන්ගියෙ.අකිලටත් එහෙම තමයි පඩි දුන්නෙ.. ඒ ඇයි.. කමල් ඇහුව.. මේ ටැක්ස් ප්‍රස්න නිසා තමයි සර්... මැනේජර් කිව්ව. මේ සීසී ටීවී කැවරා වල ෆුටේජ් කොහෙද සේව් වෙන්නෙ. කමල් ඇහුවෙ වටේ තිබ්බ කැමරා පෙන්නන ගමන්.මේව පිච්චිල තියෙන්නෙ සර් වැඩ නෑ..ඔය නිකං ලස්සනට වගේ තියෙන්නෙ. කියපු මැනේජර් ඔලුව කැසුව.හේමාල් කැමරා ලගට ගිහිං බැලුව.. ඕයි මේව කොච්චර පරනද... සර් අපේ ලොක්ක මේ ඔෆිස් එක ගද්දිත් මේව තිබුන..
කමල් මෙන්න තියනව.. ෆාතිමා ෆයිල් එක්ක් අස්සෙ තිබිල බොඳ වෙච්ච අයි.ඩී කොපියකුයි,ඇප්ලිකේශන් එකකුයි.ගලවල ගත්ත.හරි තමුසෙට මේපාර සමාව දෙනව.. හැබැයි තමුසෙව අපි කැඳවනව ආය අවශ්‍ය උනොත් ,තේරුනාද... කමල් කිව්ව.. තේරුනා සර් තේරුනා.. මැනේජර් කිව්වෙ දෙකට තුනට නැවෙන ගමන්. හරි.. තමුසෙ අද මෙක කලින් වහල ගෙදර යනව.. අද වැඩිපුර මහන්සි උනානෙ..අපි තමුසෙගෙ ලොක්කට කලින් දන්නල තියෙන්නෙ.. කමල් කිව්වෙමැනේජර්ගෙ පිටට තට්ටුවක් දාන ගමන්.. හැබැයි එකක් මේ ගැන තමුසෙ කටක් ඇරල තිබ්බොත් කටයි ඇටයි දෙකම තලනව තේරුනා නෙ හේමාල් කිව්ව.. ඔව් ඔව් සර් තේරුනා ලේන්සුවෙන් නලලෙ දාඩිය පිහිදන ගමන් මැනේජර් උත්තර දුන්න.හ්ම්.. යමු කියපු කමල් ඉස්ස උනා.. දොර් ඇරල දීල තුන්දෙනා පහලට බැහැල යනව බලන් හිටපු මැනේජර් ආයෙත් ඔෆිස් එක අස්සට දුවන් ගියා..ටෙලිෆෝන් එකේ ගලවපු වයර් එක ආය අමාරුවෙන් හයි කරගෙන රණවක මන්ත්‍රී තුමාට කෝල් කලා.
සර්.. මේ මිත්‍රපාල කතාකරන්නෙ.. සර් රහස් පොලිසියෙන් ආවනෙ.. සර් දන්නව කියල කිව්ව සර්.. මාව මෙතන මරන් කන්න හැදුව සර්.. මොන හෙන ගෙඩියක්ද සර්.. මැනේජර් කියව්වෙ එකදිගටම. අයිසෙ ඕක අපෙ ලොක්කගෙ ඕඩර් එකක්. තමුසෙ බය නැතුව ඉන්නව.තමුසෙට අවිලක් වෙන්නෙ නෑ.ලේකම් තුමා කිව තමුසෙට කලින් කියන්න එපා කියල ,ඒකයි මම කිව්වෙ නැත්තෙ.මන්ත්‍රී කිව්ව.. ඇයි සර් එහෙම කලේ.. මම විස්වාස නැද්ද සර්..ඇයි සර් ඒම කලේ.. මිත්‍රපාල ඇහුවෙ හිතේ අමාරුවෙන්.ඕයි මම තමුසෙ කියන දේද කරන්න ඕනෙ ලොක්ක කියන දේද..මේ චන්දෙකුත් එන අස්සෙ, බම්බුවක් කතාකරනව කියපු මන්ත්‍රී ෆෝන් එක තිබ්බ.නෙද්දකිං ගුණයක් නැති කාලකන්නිය...අපි මෙතන මෙකට කත් අදින විදියට මෙහෙම කරල මදි.
මේකෙ ෆොටෝ එක නම් හොඳටම බ්ලොට් වෙලා මම ස්කෑන් කරල ප්‍රෝග්‍රෑම් එකකට දැම්ම ඒත් හොඳ රිසල්ට් එකක් ගන්න බෑ.කමල් මිනිහගෙ වයස කීයක් ද කිව්වෙ ෆාතිමා ඇහුව ..හ්ම්ම්.. දැනට තියන ඩේට හැටියට අවුරුදු 23,24 ක් වගේ.නෑ කමල් වෙන්න බෑ ෆාතිමා කිව්ව.. මේ අයිඩී නොම්බර් එකේ මුල් ඩිජිට් වල හැටියට මෑන්ගෙ වයස 35 ක් වෙන්න ඕනෙ.
ඔෆිස් සීසීටීවී ෆුටේජ් කොහොමද හේමාල් ඇහුව,වැඩක් නෑ හේමාල්, කස්ටමර්ස්ල එන ගනුදෙනු වෙන ෆ්ලෝ එකේ ෆුටේජ් වලට විතරයි මෙයාල ප්‍රයෝරිට් දීල තියෙන්නෙ,ඒත් මෙතන තියෙන්නෙ ඔෆිස් ඒරියා නිසා සීඩීටීවී ෆුටේජ් මාස 6 යි තියෙන්නෙ.මේකෙ සෙකියුරිටි මැනේජර් තවම මැනුවල් සිස්ටම් කරේ තියන් ඉන්න ලොක්කෙක්. මම හිතන්නෙ ලාබම සීසීටීවී සිස්ට්ස්ම් එකක් තමයි කම්පැනියෙම රන් වෙන්නෙ.ඒ නිසා ඒවගෙන් වැඩක් නෑ.. කමල් කිව්ව.නෝ ප්‍රොබ්ලම් කමල් ඔයා මිනිහගෙ හැඩහුරුකම් කියල පින්තූරයක් ඇඳ ගත්තනෙ.ඒක යූස් කරගෙන අපි වැඩේ ඇදන් යමු ෆාතිමා කිව්ව.මේක ශුවර් එකට හොරෙන් හදපු අයිඩී එකක්.එහෙම නැත්නම් මිනිහ වෙන කාගෙ හරි එකක් යූස් කරල තියනව.නැත්නං වයස අවුරුදු දහයක් මොන හේතුවකටද වෙනස් වෙන්නෙ.කෝකටත් මම මේ නම්බර් එක ගවර්මන්ට් ඩේටා බේස්වල රන් කරල බලන්නම් කියපු ෆාතිමා ලැප්ටොප් එකට එබුන.
යමු එලියට සිගරැට් එකක් ගහන්න,හේමාල් කමල්ට කතාකලා.. ෆිරිජ් එකේ ෆැන්ට එකක් ඇති අරන් බොන්න.ෆාතිමා කාමරේ ඉඳන් කෑගැහුව.
මොකද තත්වෙ කාමරේට ආපු හේමාල් ඇහුව.
තත්වෙ හොඳ නෑ..ඩේට බේස් එකක විතරයි අයි ඩී නම්බර් එක තිබ්බෙ ඒක පැනිදෙණියෙ බීඕසී බෑන්ක් එකේ එකවුන්ට් එකක්,ඒකෙ තිබ්බෙත් පොඩි පොඩි ට්‍රාන්සැක්ශන් විතරයි ,හැබැයි ඒකෙ අන්තිම ට්‍රාන්සැක්ශන් එක වෙලා දැනට අවුරුදු තුනක්.අනිත් එක මේ අයි.ඩී එකේ ඇඩ්‍රස් එක කොළඹ ,හැබැයි බෑන්ක් එකවුන්ට් එකේ ඇඩ්‍රස් එක තිස්මඩ,මම ගෙස් කලා හරි මේක බඩ් කරපු අයිඩී එකක්.ෆාතිමා කිව්ව.නෝ වේ.. කමල් ඔලුවෙ අත ගහ ගත්ත.. මේ යකා කොහොමද අවුරුදු හතරක්, කිසිම ඩිජිටල් ෆුට් ප්‍රින්ට් එකක් නැතුව.... අවුරුදු හතරක් සවයිව් උනේ..
කමක් නෑ ෆාතිමා මම හෙටම ඔය තිස්මඩ ඇඩ්‍රස් එකට යනව.බලමු ලක් එකක් තියෙයිද කියල.සර් කිව්ව අර රාජසේකර ගෙ පර්සනල් බඩුවලත් පොයිසන් ගැන කිසිම හෝඩුවාවක් නෑ කියල.මේ ක අවුලක් වීගන යනව.. බලමු.. කමල් කිව්ව.
කන්න යනවද..?? හේමාල් ඇහුව.. යමු ෆාතිමා යමු කන්න කමල් කතාකලා.. යමු යමු.. මටත් බඩගිනියි.තෝසෙ කමුද..
දැන් මේක අගක් මුලක් නැතිවෙලා තියෙන්නෙ කමල් කීවේ කාරය පාරට දාන ගමන්, රාජසේකරගෙ මල ගෙදර වීඩියෝ වලත් කිසිම අලුත් ඉන්ෆො තිබ්බෙ නෑ.ඔක්කොම නෝර්මල්.. පොයිසන් දුන්න කියල කිසිම සාක්ශියකුත් නෑ.මිනිහගෙ ප්‍රොපටි වල ප්‍රශ්න මොකක්වත් ඇත්තෙත් නෑ.ෆැමිලි බිස්නස් ප්‍රශ්නත් නෑ.. එහෙනම් මොකටද මිනිහ බයවෙල හිටියෙ.
හේමාල් මිනිහ ගෙ පෙර වැරදි එහෙම මොනවත් ක්ලික් උනේ නෑනෙ කමල් ඇහුව.මැන්ගෙ හිස්ට්‍රි එක ක්ලියර් කමල්.සමහර විට ප්‍රයිමිනිස්ටර් ගෙ පවක් මිනිහගෙ පිටින් ගියාද දන්නෙ නෑ. ඒකද දන්නෙත් නෑනෙ ප්‍රයිමිනිස්ටර් මේකට මෙච්චර උනන්දු.. හේමාල් කිව්ව.. ඔව් වෙන්න පුලුවන්. ප්‍රයිමිනිස්ටර් අපි ලව්ව මිනිහගෙ කුනු සුද්දකරගන්නද දන්නෙ නෑනෙ ට්‍රයි කරන්නෙ.
බලමු.අර මිසිස් විසාකා ඒකනායක ගැන ඉන්ෆො කොහොමද,ෆාතිමා ඇහුව.. හ්ම්ම්.. විසාක තමයි ඔය යුනික් ෆිනෑන්ස් එකේ අයිතිකාරි..ඕකෙ ෆවුන්ඩර් වික්ටර් ඒකනායකය ගෙ සෙකන්ඩ් වයිෆ්, වික්ටර් ඒකනායක නම් මැරිල තියෙන්නෙ සෑහෙන කාලෙකට කලින්,දැනට අවුරුදු හතර පහකට කලින් වික්ටර් ගෙ ළමයත් නැතිවෙල.ඉතින් ඔය මනුස්සය තමයි ඔය වික්ටර් ඒකනායක ගෙ ප්‍රොපටි,බිස්නස් ඔක්කොම රන් කරන්නෙ.සෝශල් නැති කැරැක්ටර් එකක්. ආ ඔය රාජසේකර වික්ටර් ඒකනායකය ගෙත් හොඳ යාලුවෙක් ඒකාලෙ ඉඳලම.ඒකයි ඔය ෆිනෑන්ස් බිස්නස් එක මිනිහට දීල තියෙන්නෙ කරගෙන යන්න.වික්ටර් ඉන්න කාලෙදිත් රාජසේකරට ඕක නිදහසේ කරන් යන්න දීලලු තිබුනෙ. හේමාල් කිව්ව.
හහ්.. රාජසේකරය මිසිස් විසාකත් නිදහසේ කරගෙන ගිහිල්ල තියනව වගේ වික්ටර් මැරුනට පස්සෙ කමල් කිව්වෙ හිනා වෙවී. අර රෑ තිස්සෙ කෝල් කරල බිස්නස් මැටර්ස් එහෙම කතා කරල.
එහෙම් එකක් නං පේන්න නෑ..කමල් හේමාල් කිව්ව. මමත් ඕක ෆලොඅප් කලේ ඕක හිතේ තියන්.නමුත් මට ඕක ක්න්ෆර්ම් කරගන්න කිසිම ඉන්ෆො එකක් හම්බ උනේ නෑ. මිනිහ කැන්ඩිගියාම බොහොම කලාතුරකින් මිසිස් විසාකා හම්බවෙන්න ගිහින් තියනව.එච්චරයි..
එහෙමද...

තුෂාර ආසිරි 

දියැඳි සිතුවම් ... 11

~11~ මොකද උනේ...?

ආ.. එන්න ඔෆිසර්, මට ඩී.අයි.ජී නාගරත්න කෝල් කලා.ළමයගෙන් ස්ටේට්මන්ට් එකක් ගන්න පුලුවන්.දැන් කන්ඩිශන් එක හොඳයි, ඒත් වැඩි වෙලාවක් ගන්න එපා. අනිත් එක තමයි අනිත් ළමය ගැන කියන්නත් එපා.ෆිසිකලි රිකවර් උනාට මිනිහ හරිම සෙන්සිටිව් නිසා සිහිය එන්න දවස් කීපයක් ගිය නිසා සිහිය ආපු ගමන්ම සෑම සිදුවීමක් ම එකපාරටම මතක් කරන්න එපා කියලයි කන්සල්ටන් ඇඩ්වයිස් කරල තියෙන්නෙ.. තේරුනා නෙ වෝඩ් ඉන්චාජ් කිව්ව.. හරි සර්.. මම එහෙම කරන්නම්.. එහෙනම් මම යන්නද එස්.අයි නැගිට්ට.. ඕකේ ඕකේ ඔෆිසර් ගිහින් ස්ටේට්මන්ට් එක ගන්න , නෝ ප්‍රොබ්ලම් ..
කොහොමද..?? එස්.ඉයි. ප්‍රනාන්දු ඇහුවා..ටිකක් හොඳයි සර්.. ඔලුව තවම ටිකක් රිදෙනව... ගිම්හාන් උත්තර දුන්න.. ඒක හරියයි.. මට පොඩි කට උත්තරයක් ගන්න තියනව, අමාරුයි නං කියන්න ඕනෙ හොඳද කියපු ප්‍රනාන්දු නෝට් පොත දිග ඇරගත්ත.

තමුන්ගෙ සම්පූර්න නම..? ගිම්හාන් සමීර විතානගේ

ලිපිනය - අංක 25/233, ගං ගොඩ පාර, පිළිමතලාව

දෙමාපියො - දෙන්නම නෑ..අත්තම්ම ගාව ඉන්නෙ.

රැකියාව - තවම නෑ, ඒලෙවල් කරල ඉන්නෙ කැම්පස් සිලෙක්ට් උනා.

අරලියා ඒකනායක එක්ක් තමුන්ට තිබ්බ සම්බන්දය - සර් අරලියා ට කරදරයක් නෑ නේද.. ගිම්හාන ඇහුවෙ ඇස්වල කඳුලු පුරෝගෙන..ඒ ගැන තමයි අපි මේ විභාග කරන්නෙ.. කියමු බලන්න මොකද්ද තමුන්ගෙ යි මේ ලමයයි අතරෙ තිබ්බ සම්භන්දෙ, සර් අපි... අපි ගිම්හාන් වචන එක්කහු කරන්න හැදුවත් ඒක පුලුවන් උනේ නෑ.. තමුන්ගෙ පෙම්වතිය හරිද..?? ගිම්හාන හිස වැනුව.
කොච්චර කල්ද තමුන්ල මේ සම්භන්දෙ පටන්ගෙන... මාස හයක් විතර..
ගිය සෙනසුරාද මොකද උනේ කියල මතකද..??
ඔව්.. කියමු බලන්න ...
සර් ගිය සිකුරාදා තමා මගෙ රිසාලස් ආවෙ, මම කැම්පස් සිලෙක්‍ට් වෙලා තිබුන.මම අරලියාට කෝල් කරල කිව්ව එයා ගොඩක් සන්තෝස උනා.පහුවෙනිද කොහොමත් අපි හම්බවෙන්න දාගෙන තිබුනෙ, එයා ගෙදරින් කැමැත්ත අරන් තිබ්බ එලියට යන්න. එය කිව්ව උදෙන්ම එන්න,මාලිගාවටත් යන්න ඕනෙ කියල, එයා මගෙ එක්සෑම් එකට බාරයක් වෙලා තිබිල ඒක නිදහස් කරන්නත් එක්ක. කියපු ආයෙත් ඇස් රතු කරගත්ත.
තමුන් දෙන්න කොහෙදිද හම්බ උනේ.මම එයාලගෙ ගෙදර ගේට්ටුව කිට්ටුවට ගියා. එයා එන්නෙ එයාගෙ කාර් එකේ අපි ගැන ගෙදරින් දන්නෙ නැති නිසා මම ගෙදරට යන්නෙ නෑ..යන්නෙ නෑ කියන්නෙ කලිනුත් තමුන් ඔහොම ගිහින් තියනවද.. එස්.අයි ප්‍රනාන්දු ඇහුවා. ඔව් දෙපාරක් වගේ.. එයා කිව්ව ගෙදරටම එන්න කියල,එයාගෙ ඇන්ටි මොනවත් කියනෙකක් නෑ කියල ඒත් මම ගෙදරට ගියෙ නෑ.ගිම්හාන් කිව්ව.
එදා තමුන් ඔය ගෑනු ළමයගෙ මොනාහරි අමුත්තක් දැක්කද..?? ඇයි සර් එහෙම අහන්නෙ.. ගිම්හාන ඇහුවා.. කියන්න බලන්න මොනාහරි අමුත්තක් දැක්කද නැද්ද..?? හ්ම්ම්ම්ම්.. ගිම්හාන මතක් කලා.. එදා අරලිය නිදිමරල වගේ හිටියෙ..කලින් දවසෙ කෑවට පස්සෙ කැරකිල්ල වගේ තිබ්බ,හරියට නින්ද ගියෙත්නෑ කිව්ව තමයි. උදෙත් කන්නෙ නැතුව එන්න හදද්දිත් ඇන්ටි බඩගින්නෙ යන්න එපා කියල බලෙන්ම කිරි එකක් දුන්න කිව්ව.ඉතින් මම කිව්ව මාලිගාවට යන්න කලින් කොහොන් හරි කාල යමු කියල. ඒත් ඒ වෙද්දි වෙලාව උදේ පහමාරට වගේ නිසා රෙස්ටොරන්ට් ඇරල නෑනෙ.පස්සෙ කමු කියල එයා කිව්ව.ඊට පස්සෙ.. මාව නග්ගගෙන අඩි දෙක තුනක් ඩ්‍රයිව් කලාට පස්සෙ එයා කිව්ව බ්‍ර්රේක් ටිකක් තදයි.කියල ,ඊයෙ දවසම මිකැනික් මේක අල්ල අල්ල හිටිය..මොනා කරලද දන්නෙ නෑ.කිව්ව..එක පාරට බ්‍රේක් හරි ගියා.හම්මෝ ඇති කියපු එයා.වෙනද වගේම බහිරව කන්ද පල්ලම ටිකක් හයියෙන් පල්ලහට ආව.සන්හිල් හෝටලේ පහුකරනවත් එක්කම අරලියා කෑගැහුව අනේ ගිම්හාන මේකෙ බ්‍ර්ර්ක් ගියා.. කියල කාර් එක වේගෙන් පල්ලමට ගියා.මට එච්චරයි මතක.. අනේ සර් මගෙ අරලියා.. එයා ගැන කවුරුත් මට කියන්නෙ නැත්තෙ ඇයි.. එයාට කරදරයක් නෑ නේ.. ගිම්හාන අඩන්න ගත්තා. හා..හා.. ඔය ළමය ගනං ගන්න එපා..ඒ ගෑනු ලමයට ප්‍රශ්නයක් නෑ කියමුකො.. මේ කට උත්තරේ හරියට දෙන්න සහයෝගෙ දෙන්න. එක තමයි තමයි තමුන්ට ඒ ළමය වෙනුවෙන් කරන්න පුලුවන් හොඳම දේ ප්‍රනාන්දු කිව්වා.
තමුන් දැනුවත් ද ඔය ගෑනු ළමය මත් ද්‍රව්‍යකට ඇබ්බැහි වෙලා හිටිය කියල.ප්‍රනාන්දු කිව්ව.ගිම්හාන ට දැනුනෙ පුදුමෙකට වඩා තරහක්. ගිම්හාන ගෙ මුලු ඇගම වෙව්ලල ගියා. කවුද සර් ඔය අපරාද කතාව කිව්වෙ.අරලියා අහිංසක ළමයෙක්.ඇයි ඔයවගේ කතා අහන්නෙ.ගිම්හාන ඇහුව.
තමුන් නොදන්නවට ඔය අනතුරට හේතුව මත්වීම නිසා වාහනය පාලනය කර ගැනීමට නොහැකි වීම.තේරුනාද..? අනතුරෙන් පස්සෙ අපි තමුන්ල දෙන්නගෙම බ්ලඩ් චෙක් කලා.ඒකෙන් තහවුරු වෙලා තියනව ඔය ගෑනු ලමය මත්ද්‍රව්‍යක් අරන් හිටියෙ කියල.තමුන්ල නොදන්න ගොඩක් දේවල් ඔය සල්ලි කාර කෙල්ලො කරනව, තමුන්ලත් ඉතින් තමුන් ට නොගැලපෙන දේවල් පස්සෙ නොදැන ගියාම,නතර වෙන්නෙ මේ වගෙ ඉස්පිරිතාලවල, නැත්නම් පොලිස් කූඩු වල, ප්‍රනාන්දු කියාගෙන ගියා.
ඕක් බොරුවක් සර්, අරලියා ට වාහනේ කොන්ට්‍රෝල් නැති උනෙ වාහනේ ලෙඩක් නිසා මිස එයා ගෙ වැරද්දක් නිසා නෙවෙයි කියපු..ගිම්හාන ඇස් දෙක පියාගත්ත... මුලු ඇඟම ගිනිගන්නව වගෙත්, ඔලුව පුපුරන්න තරම කැක්කුමක් එනවත් විතරයි ගිම්හාන ට දැනුනෙ.. ආයෙත් සිහිය නැතිඋනා.
ආ.. ප්‍රනාන්දු ස්‍ටේමන්ට් එක ගත්තද..? මේසෙ ඉස්සරහ හිටගෙන ඉන්න ප්‍රනාන්දු ගෙන් ඩී.අයි.ජී.නාගරත්න ඇහුව.ඔව් සර්.මිනිහ අහිංසකයෙක් ,අර ළමය ඩ්‍රග්ස් ගන්නව කියල මිනිහ දන්නෙ නැති පාටයි.දුප්පත් කොල්ලෙක්,ප්‍රනාන්දු කිව්ව.හ්ම්.. එහෙමද..?? තමුසෙ ඇහුවද මිනිහට මිනිස්ටර් ගමගේ එක්ක තියන සම්බන්දෙ මොකද්ද කියලා.. ආ ඔව් සර් ගමගේ සර් ගෙ පුතා මිනිහගෙ පන්තියෙ ඉඳල තියෙන්නෙ ,ප්‍රනාන්දු කිව්ව..නෑදෑයො නෙවෙනෙ.. නාගරත්න ඇහුව.. නෑ.. නෑ සර්...
ඒක මිසක්.. ඕකේ ඕකේ.. තමුසෙ ඕක පොත් වලට දාල , රස පරික්ශක වාර්තා එක්ක,රිපෝට් අදම මට සබ්මිට් කරනව..ජජ් හම්බවෙලා මේක ඉවරයක් කරන්න, කියපු නාගරත්න ෆෝන් එක අතට ගත්ත, සර් තව දෙයක්.. ප්‍රනාන්දු කිව්ව.. ඔව් කියනව බලන්න,
සර් මේ කොල්ලගෙ කට උත්තරේට අනුව කාරෙකේ බ්‍රේක් වල දෝශෙකුත් තිබිල තියනව,ඇක්සිඩන්ට් වෙන්න් කලින්.. තමුසෙට පයිත්තියංද ඕයි.. නාගරත්න ගිගිරුවෙ මේසෙටත් අතින් ගසමින්, දැන් අර රස පරික්ශක වාර්තාවෙ තියනව වාහනේ ගැටලුවක් තිබ්බෙ නෑ කියල.ඔය අවසිහියෙන් කියවන කොල්ලෙක්ද තමුසෙට විස්වාස රජයේ රස පරික්ශකද..
ඕයි..අනවශ්‍ය පණ්ඩිත කං කරන්නෙ නැතුව ඕක ඉවර කරල දානව.තමුසෙ ඕක පොත්වලට දාන්න කලින් මට ග්‍රාෆ් එකක් පෙන්නන්න ඕනෙ තේරුනද..නාගරත්න කිව්වෙ ඇඟිල්ලක් දික් කරමින්.. ඕකේ සර් සැලියුට් එකක් ගහපු ප්‍රනාන්දු එලියට ගියා.
හලෝ.. නංගි... ඔව් ප්‍රශ්නයක් නෑ. කොල්ලට සිහිය ඇවිත්.. නෑ.. නෑ.. ඒව ඔක්කොම හරි..අනිත් ඒව හෙමීට බලාගමු.පස්සට කරදර තියාගන්න අවශ්‍ය නෑනෙ.. හොඳයි මම රෑවෙලාඑන්නම්
කියපු නාගරත්න ෆෝන් එක තිබ්බ.


තුෂාර ආසිරි.

දියැඳි සිතුවම්... 10

~10~ හෝම් වර්ක්

සීතාවක ගාර්ඩන් එකේ සෙනග වැඩිය ගැවසෙන්නෙ නැති කොනක බිම පික්නික් එකක් ආපු යාලුවො ටිකක් වාඩිවෙලා හිටිය.තේ ප්ලාස්ක් එකක් සැන්ඩ්විච් පෙට්ටියත් එක්ක තව පොත් ෆයිල් වගේකුත්, කැම්පස් එකේ ළමයි පාඩම් කරන්න මෙහෙම කාන්ඩ ගැහිල එනඑක ගාර්ඩන් එකට අමුත්තක් නෙවේ.
ඉතිං ළමයි මොනාද අපි අතේ තියෙන්නෙ, විජිත ඇහුවෙ හැමදෙනා දිහාම බලන ගමන්.
ෆාතිමා මොකද ගෙදර තත්වෙ..??... යස් සර් .. රාජසේකරගෙ පෞද්ගලික ජීවිතේ අප්සට් දෙයක් ගෙදර ඉන්න වැඩකාරයො කතාවෙන්නෙ නෑ.ගෙදර,ඔෆිස් එක තමයි ඩේලි රෑටින් එක.අමතර ගමනකට ගිහින් තියෙන්නෙ ටෙනිස් ක්ලබ් එකට.වෙන අමතර ගමන් මොනවත් විශේෂයෙන් තිබිල නෑ.හැම තැනම ගාඩ් එකේ කොල්ලො දෙන්න එක්ක තමයි ගිහින් තියෙන්නෙ.ඩ්‍රයිවර් කියපු විදියට කාත් එක්කවත් සම්බන්ධයකුත් තිබිල නෑ.කවුරුවත්ම එහෙම හම්බවෙන්න විශේෂයෙන් ගිහිල්ලත් නෑ.
බෝයි ෆ්‍රෙන්ඩ් ගෙ ඉන්ෆො ශුවර් නෙ නේද..?විජිත ඇහුව... සර් කොහොමද,මම ඒක සර්ට තවම කිව්වෙත් නෑනෙ..?? ෆාතිමා ඇහුව පුදුමෙන්.ඒකෙන් කමක් නෑ ෆාතිමා මිනිහා එක්ක එෆෙයා එකක් පටන් ගත්ත එක හොඳයි.ඩ්‍රැයිවර්ල තමයි තමුන්ගෙ වාහනේ අයිතිකාරයගෙ හැම පුද්ගලික දෙයක්ම දන්නෙ.. ගුඩ් මුව්..වෙන මොනාද විස්තර විජිත ඇහුව ..මිනිහගේ කෑම බීම පුරුදු කොහොමද??
උදේට බත් විතරයි ලු කෑවෙ,දවල්ටත් කෑම ගෙදරින් ඔෆිස් එකට යවල තියනව.ඒකත් ඩ්‍රැයිවර් රාජසේකරගෙ ඔෆිස් රෑම් එකේම ගිහින් තිබ්බලු.එලියෙන් කාලම නෑ.රෑ කෑමත් පාටියක් වගේ නැති දවසක් නම් ගෙදරින්මලු කන්නෙ.කෑමට කලින් ඉඳල හිටල තනියෙන්ම ඩ්‍රින්ක් එකක් දැම්මලු.ඕව තමයි සර් මිනිහගෙ කෑම බීම..තේ කෝපි එහෙමනං බොන්නෙ ම නෑ කියල තමයි කිව්වෙ. ෆෘට් ජූස් තමයි ගෙදරදි බීල තියෙන්නෙ.
ගෙදර වැඩට ඉන්නෙ තුන් දෙනයි, උයන්න හිටපු විලියම් කියන වයස මනුස්සයයි.ඩ්‍රැයිවර් සේනයි.ඔය වත්තෙ වැඩ එහෙම කරපු ගනේෂුයි.තුන් දෙනාම අවුරුදු දහයක් විතර රාජසේකර ලඟ වැඩ කරල තියනව.හොඳට පඩි එහෙම දීල සලකව්වලු.හැබැයි ඉතිං තරහ ගිහාම නං යකෙක් වගේ කියල තමයි හැමෝම කිව්වෙ.පරන වලවි කාරයොලුනෙ, ඒ මෙන්ටලිටි එකත් හේතු වෙන්න ඇති ඔයවගේ බිහේවියර් එකට.ඒත් හොඳට සලකපු නිසා ඔක්කොම රාජසේකර ට හිතවත්.එතකොට පවුලෙ විස්තර, විජිත ඇහුව.මනුස්සය අවුරුදු පහලවකට විතර කලින් ඩිවෝස් වෙලා, ලමයෙකුත් ඉන්නවලු.හැබැයි ඒ අය දැන් ලංකාවෙ නැල්ලු. දෙන්නම ඕස්ට්‍රේලියාවේ කියල තමයි කියන්නෙ.ඒ මිසිස් නම් රාජසේකර ට වඩා ගොඩක් සල්ලිකාරයො ලු.ඒ ඇර විස්තරයක් නම් දැනගන්න බැරිඋන.නුවර තාම මිනිහගෙ තාත්ත ඉන්නවලු වයස නිසා යාමක් ඒමක් නං නැතිලු.හැබැයි රාජසේකර තාත්ත බලන්න සතියකට දෙකකට සැරයක් නුවර ගිහින් තියනව.ඒ ගමනට නං ඩ්‍රැයිවර් යන්නෙ නැල්ලු.රාජසේකර යි ගාඩ් එකේ දෙන්නයි විතරයි නුවර යන ගමන් වලදි ගිහින් තියෙන්නෙ.ඒ ඇරෙන්නෙ වෙන නෑදෑයො කවුරුත් ඉදල නෑ.ඔෆිස් එකේ මැනේජ්මන්ට් එකේ කීපදෙනෙක් දෙ තුන් පාරකුයි, එක පාරක් ප්‍රයිමිනිස්ටයි රාජසේකර බලන්න ආව ඒ ඇරෙන්නෙ වෙන කවුරුවත්ම ආවෙ නෑ.
හ්ම්.. ඒකත් එහෙමද..?
ෆාතිමා කොහොමද කෝල් හිස්ට්‍රි එක.. ඔව් සර් දැනට මම පහුගිය අවුරුද්දේ හිස්ට්‍රි එක චෙක් කලා.එතන නං පොඩි සස්පීශස් දෙයක් මට නෝට් උනා. ෆාතිමා ෆයිල් එකක් විජිත ට දෙන ගමන් කිව්ව.මොකද්ද ඒ.. සර් ඔය හයිලයිට් කරල තියන ලෑන්ඩ් ෆෝන් එකටයි හෑන්ඩ් ෆෝන් එකටයි රෙගියුලරි කෝල්ස් ගිහින් තියනව.. ස්පෙශලි හෑන්ඩ් ෆෝන් එකට පැයේ දෙකේ කෝල්ස්, ටයිම් එක ගොඩක් වෙලාවට මහ රෑ.. මම මේ නම්බරස් චෙක් කරල බැලුව. නම්බරස් දෙකම කැන්ඩි වල, නම්බරස් දෙකේම රෙජිස්ටර්ඩ් ඕනර් තමයි මිසිස් විසාකා ඒකනායක යුනික් ෆිනෑනස් එකේ ඕනර් ගෙ වයිෆ්. හ්ම්ම්.. ඒකත් එහෙමද..??ඔය ලේඩි කීපාරක් ආවද රාජසේකර බලන්න විජිත ඇහුව..එක පාරක්වත් ආවෙ නෑ සර්,ෆාතිමා උත්තර දුන්න..ඉන්‍ට්‍රස්ටින්...විජිත මිමිනුව.. ඔව් සර් මේ තියෙන්නෙ මගෙ ඔබ්සර්වේශන්.ෆාතිමා ෆයිල් එක විජිත ට දුන්න.
ගුඩ් ෆාතිමා... කියපු විජිත කමල් දිහාවට හැරුන.. ඔකේ ගො අහෙඩ් කමල්.. සර් ඔෆිස් එහේ නම් මිනිහ ගැන හොඳක් කියන්නෙ නෑ වැඩ කරන කවුරුත්.පොඩි වැරැද්දක් වත් පෙන්නන්න බැරිලු,ඔක්කොම ඉස්සරහ කෑගහනවලු.. මිනිහ ෆ්ලෝ එකේ ඉන්නව්නම් සීනියර් මැනේජර්ලත් හෙල්ලිලලු ඉන්නෙ.මේකෙ ෆවුන්ඩර්ගෙ මරනෙන් පස්සෙ මිනිහ තමයි මේ කොම්පැනිය මේ තරම් දුරට ඩිවෙලොප් කරල තියෙන්නෙ.හැබැයි ඉතින් හරියට පිලිවෙලට වැඩ කරන ඕනෙ කෙනෙක්ට මිනිහ තරා තිරම නොබල හිතවත් කම් පාල තියනව.ගෑනු කේස් ,අනං මනං මොනවත්ම තිබිලත් නෑ සර්.
ඕකේ වෙන ..විජිත ඇහුවෙ ෆාතිමා දුන්න තේ එක අතට ගන්න ගමන්.
ෆාතිමා කිව්ව වගේම කෑම බීම ගෙදරින් මයි අරන්,ඇවිත් තියෙන්නෙ.ඔෆිස් එකෙන් කියල බීල තියෙන්නෙ ජූස් විතරයි. ඒකත් පයිනැපල් ජූස් විතරලු,ඒකත් පිටින් ඕඩර් කරල නෑ.ඕකෙ පියන් කොල්ලෙක් වැඩකරල තියනව මිනිහ ඔය හදපු බීම එකක් අල්ලල ගිහින් මෑන්ටම කියලලු හදාගෙන බොන්නෙ.ඔය කොල්ලට නං රාජසේකර හොඳ ට සැලකුව කියනව.දැන් ඉන්න පියන් නං කිව්වෙ ඌ ලොක්කට පැනල දුන්න කියල.ලොක්කගෙ ඔක්කොම වැඩ ටික කලේ මිනිහලු.වෙන කාටවටත් කරන්න දුන්නෙ නැල්ලු.හ්ම්.. කමල් , ඔය කියන විදියට රාජසේකර ගෙ අතටපයට වැඩටික කරල දුන්නෙ පියන් කොල්ලෙක් නං,රාජසේකරත් මිනිහට හිත්වත්ව හිටියනං මිනිහ තමයි හොඳටම දන්නෙ රාජසේකරගෙ ඔෆිස් ලයිෆ් එක,මිනිහ මොකද කියන්නෙ..?? විජිත ඇහුව.. සර් මිනිහ දැන් එතන නෑනෙ..
නෑ කියන්නෙ..??මෑන් එකපාරටම වැඩට එන එක නවත්තල,කොහොමත් ඔය මෑන්පවර් කාරයො මිනිස්සු එක පාරටම අයින් කරනවනෙ..හැබැයි ඉතින් මේ යකා අවුරුදු දෙකක් විතර මේ කොම්පැනියෙම ඉඳලත් තියනව.ඔය දැන් ඉන්න පියනුත් ඒ මෑන්පවර් එකෙන් ම දාපු එකෙක්..මිනිහ නං කියන්නෙ අවුරුදු දෙකක් හිටියෙත් ලක් එකට ඕවගෙ මිනිහෙක් අවුරුද්ද කට වඩා තියාගන්නෙත් නෑ කියල.ඕවගෙ ඔය අර්ඨසාදක ,ලේබර් රයිට්ස් වගේ කේස් වලින් ගැලවෙන්න, ඒ වෙනුවට පියන් ඔතෙන්ට දාපු මෑන්පවර් කොම්පැනියෙන් වෙන එකෙක් එතෙන්ට දාල තියනව.
කමල් මෑන් ෆලෝ කරන්න.මට මිනිහ ගැන එලාම් එකක් වදිනව..ඔකේ සර් කමල් කිව්ව.අනික මට රාජසේකර ඔෆිස් එකෙයි,ගෙදරයි කැමට බීමට පාවිච්චි කරපු පුද්ගලික බඩුටික ඕනෙ කරනව. ෆාතිමා ,කමල් ඒටික අරන් මට කතා කරන්න. විජිත කිව්ව.. ඒ ඇයි සර්,හේමාල් ඇහුව මේකනෙ හේමාල් , මේ ගැන මම ස්ටඩි කලා, අපි සස්පෙක්ට් කරන විදියට රාජසේකරට හිතාමතා පොයිසන් දීමක් කරල තිබුනනම්,ස්පෙශලි ඊයම් වගේ පොයිසන් , ඒ ගැන පොඩි හරි එවිඩන්ස් එකක් කෑම බීමට පාවිච්චි කරපු උපකරණ වල ඉතුරුවෙන පොසිබිලිටි එකක් තියනනව,අපි ඕව ලැබ් එකට යවල බලමු..චාන්ස් එකක් ගන්නපුලුවන්,වෙඉද කියල.. ඔකේ සර් හේමාල් කිව්ව.
හේමාල් මොකද කැන්ඩි වල විස්තරේ..??
සර් කැන්ඩිවල රාජසේකරගෙ නෑයෙක්ට ඉන්නෙ තාත්ත විතරයි.ඒ කාලෙනං රාජසේකරල ඉඩම් හිමි රදලයො ඒත් දැන් නම් ඒව ඔක්කොම ඉවරයි.රාජසේකරලට දැන් ඉතුරුවෙලා තියෙන්නෙ ඔය නුවර ගෙදර විතරයි.රාජසේකරගෙ නමින් තියෙන්නෙත් කොළඹ ගෙදර විතරයි.ගොඩක් ඉඩකඩම් විකුනල තමයි ඔය සිනමන් ගාඩ්න් වල ගේ අරන් තියෙන්නෙ.ෆාතිමා කිව්ව වගෙ මිනිහ මැරේජ් එකෙන් ගොඩ ගිහින් තියනව,ඒත් ඒක හදිසියේම ඉවර වෙලා තියනව. ඩිවෝස් කේස් එක මම ස්ටඩි කලා.. ඒකෙ විදියට දෙපාර්ශවය එකඟතාවෙන් වෙන් වෙලා තියෙන්නෙ.කිසිම වන්දියක් රාජසේකර ගෙන් ඉල්ලලත් නෑ.හැබැයි ඩිවෝස් එකෙන් පස්සෙ රාජසේකර ට මොකුත් ඉතුරුවෙලත් නෑ.ඇත්තම කියනවනම් මිනිහ ගෙ වෙල්ත් එක කියල පෙන්නං ඉඳල තියෙන්නෙ වයිෆ් ගෙ වෙල්ත් එක.යාංන්තන් මිනිහගෙ තිබ්බ පොලිටිකල් කන්ටෑක්ස් ටිකයි යුනික් ෆිනෑන්ස් එකේ චයාමන් කමයි නිසා ජාමෙ බේරන් ඉඳල තියෙන්නෙ..තව දෙයක් ඔය ෆාතිමා කිව්ව වගේ මිනිහ සතියකට දෙකකට සැරයක් නුවර ගෙදර ඇවිල්ල යනව කියන එකත් කන්ෆර්ම්. හ්ම්,... ඕකේ..ගුඩ් ජොබ් ඕල් ඔෆ් යූ..කියපු විජිත සිගරැට් එකක් පත්තු කරගත්ත..
ඕකේ ළමයි මට මේ වීක්එන්ඩ් එක වෙද්දි මේ දේවල වෙන්න ඕන..
කමල් , රාජසේකර ඔෆිස් එකේ ටච් කරපු හැම දෙයක්ම මාක් කරගන්න ඒව කලෙක්ට් කරගන්න ෆාතිමා එයි,මම ඒබඩු අරන් යන්න ඕනෙ කියල මම යුනික් එකේ මැනේජ්මන්ට් එකට ඉන්ෆෝම් කරන්නම් , අර මිනිහ ට හිතවත් ය කියපු පියන් කොල්ල,ඌව මොන ලෝකෙන් හරි හොයල ගන්න,බලමු ඌ මොනාහරි වැඩිපුර දෙයක් දන්නවද කියල,ඔකේ සර් කමල් කිව්ව.
ෆාතිමා..රාජසේකරගෙ ගෙදරයි,ඔෆිස් එකෙයි තියන පර්සනල් ස්ටෆ් ටික ඔක්කොම එකතුකරන් ගිහින් ලැබ් එකේ මිස්ට මංචනායකගෙ ගෙදරට බාර දෙන්න. මංචනායක ඒ ගැන දැනුවත් කරල තියෙන්නෙ.
හේමාල් මේ මිසිස් විසාකා ඒකනායක ගැන බලන්න,මහ රෑ පැය ගනන් බිස්නස් මැටර්ස් කතාකරනව වෙන්න බෑනෙ.ඒ නිසා බලන්න මොකද්ද මේ රෙලේශන්ෂිප් එක කියල.මට විසාකගෙ බැග්‍රවුන්ඩ් රිපෝට් එකක් ඉමිඩියට්ලි එවන්න.
ක්ලියර් නෙ හැමෝටම විජිත ඇහුවා.යස් සර්...
ඕකේ එහෙනම් අපි වීක් එනඩ් එකේ හම්බවෙමු.කොළඹදි විජිත කිව්ව.

තුෂාර ආසිරි .

Monday, May 25, 2020

දියැඳි සිතුවම්... 09

~09~ සිහින ලොවක් දුටුවා මතකයි.

අම්මේ ඒකත් ඉවරයි.. අන්තිම පේපර් එක ඉවර වෙලා එලියට එන ගමන් හසිය කිව්ව.ගිම්හාන මොකද බං අච්චර කොල ඉල්ලගත්තෙ, මට නං දුන්න කොල ටිකත් වැඩිත් උනා.සමහර ප්‍රශ්න වල තිබ්බ දේවල් මම අහලවත් නෑ යකෝ..චාමර කිව්ව.ඔව් ඉතිං ක්ලාස් එකේ හරකෙක් වගේ නිදාගත්තම ඇහෙන්නෙ නෑ තමා හසිය කිව්ව.ඉතිං උඹ මොනාද ලිව්වෙ ගිම්හාන ඇහුව.. මම ප්‍රශ්නෙ ආපහු ලිව්ව.ඔය දන්න මොනාහරිත් ලියල දැම්ම, අන්තිම පේපරේ ලිව්ව.. මේක බලන සර්, මිස් අනේ මාව පාස් කරන්න, මගෙ තාත්ත කුලී වැඩ කරන්නෙ, අම්මයි නංගිල මල්ලිලයි පස්දෙනයි.. බලාගන්න තාත්තත් එක්ක කුලී වැඩ කරන ගමන් තමයි මම විභාගෙ ලිව්වෙ, අනේ මාව පාස් කරන්න,ඔයාලට සියලු දෙවිදේවතාවන්ගෙ පිහිටයි කියල. මෙහ්.. ඕක දැකල දුක හිතිල මට එස් එකක් හරි දාල දෙයි නෙ.. චාමර ඇහුව...
සියලු දෙවිදේවතාවන්ගෙ පිහිටයි... තොට තොගෙ තාත්තගෙ ලයින් නං ගානට එනව නේ... හසිය කිව්වෙ හිනා වෙවී.. යකෝ ඔය ටෝක් වලට හරක් චන්දෙ දීල තොපෙ තාත්ත පාර්ලිමන්ට් යැව්වට, උඹ හිතනවද මාකර්ස්ල උඹට ළකුනු දායි කියල..ගිම්හාන කිව්ව. අඩො නැතිවෙයිද බං, චාමර ඇහුව.දැන් ඉතිං උඹට දෙයියනේ කියල ඊලග පාර පලාත් සබාවට ඉල්ලන්න පුලුවන්.උඹ වගේ ගල් ආඳො තමා අපිට ඕනෙ.හසිය කිව්ව.. ඒක නෙවේ මොකද්ද බං අර නංගිල මල්ලිල පස් දෙනෙක්ගෙ කතාව හසිය ඇහුව.. අපි දන්න තරමට උඹට ඉන්නෙ අයිය කෙනෙක් විතරයි නෙ.. බලන් යද්දි ලොක්ක ගැන යන කටකතා ඇත්ත තමයි..
පල බල්ලො යන්න .. කියපු චාමර හසියගෙ බෙල්ලට පැනල තදකරගත්ත.. අතෑරපන් යකෝ.. හසිය කෑගහන්න පටන්ගත්ත.තෝව මරන එක මරනව.. චාමරය කිව්වෙ තවත් හසියව හිරකරන ගමන්.මරැ හරක් පොරේ, වරෙන් බං යන්න ගිම්හාන ඉස්සර උනා.හා දෙන්න එහෙන් මෙහෙන් තල්ලු කරගන්න ගමන් ම ඉස්සරහට ගියා. මේ යමු අපේ ගෙදර හසිය කිව්ව.මට බෑ.. චාමර කිව්ව.. ඇයි.. හසිය ඇහුව.. උඹ එන්නෙ නැත්නං කමක් නෑ.. අම්ම කිව්ව අද එලුමස් වගයක් හදනව කියල, අද පේපර් ඉවර වෙන දවස නිසා හොඳ කෑමක් දෙයි.. ගිම්හාන උඹ එනවනෙ.. හසිය ඉස්සර උනා. මේ.. ගිම්හානයත් යනවනම් මාත් එනව..ගෙදර ගිහිනුත් කරන්න වැඩක් නෑනෙ.යමං කාර් එක ඇවිත් ඇති ඒකෙම යං චාමර ඉස්සර උනා.අන්න මචං මිනිස්සු.. කෑම ගැන හිතල නෙවේ එන්නෙ.. බොක්කට.. බොක්කට හසිය කිව්වෙ ඇහැක් ගහන ගමන්.. ගිම්හාන යමං උඹට පොඩි දෙයක් කියන්නත් තියනව,හසිය කිව්ව.
ආ.. ඇන්ටි කොහොමද කියාගෙන ගෙට ගොඩඋන චාමර හසියගෙ අම්මට දන ගහල වැන්ද.. තුරුණුවගෙ සරනයි මයෙ පුතේ.. කියල චාමර ගෙ ඔලුව අතගාපු හසියගෙ අම්ම හසිය දිහාවට හැරුන.බලාං හැදියං...මේ දරුවන්ගෙ හැදියාව...අනෙ අම්මෙ..ඇති ඇති.. කියපු හසිය සැටියට පැන්න.. ඔය දැක්ක නේද දහජරාව පිටින් ඉන්න ලස්සන..බලමුකො රිසාල්ස් ආවාම.. කියපු ඈ ගිම්හාන දිහාවට හැරුන , කොහොමද මයෙ පුතේ, පුතා නිසා තමා මට මෙයාගෙ විභාගෙ ගැන. බයක් නැත්තෙ..ඔය දරුව මේකත් එක්ක පාඩම් කරන්න දාපු දහිරිය මම දැක්කනෙ,පුලු පුලුවන් වෙලාවට පුතා ඇවිත් පාඩම් කරපු නිසා තමයි මට බයක් නැත්තෙ මේක ගැන.පුතාලට මහන්සිත් ඇතිනෙ යමු බත් ටිකක් කාල ඉමු කියන් ඇන්ටි ගෙට ගියා.මොනාද බූරුවො අර අම්ම ළග බඩගාල වැන්දෙ, තොගෙ වැඩ නිසා මමයි බැනුම් අහන්නෙ,හසිය කිව්ව.
කෑමට පස්සෙ තුන්දෙනාම කාමෙරේට ගියා.මේ දැන්වත් කියපන් අර මොනාද කියන්න තියනව කිව්ව එක ගිම්හාන් ඇහුව.දීපන් දීපන් ඕක..චාමර කිව්ව.. උඹත් දන්නව එහෙනං, මොකද්ද බං ගිම්හාන ඇහුවෙ හිතාගන්න බැරුව.
ලාච්චුව ඇරපු හසිය ඇන්විලොප් එකක් ගත්ත.මේක උඹට.. කාගෙන්ද, ලියුමක් නේ..ගිම්හාන ඇහුවෙ දෙගිඩියාවෙන්,නැත්නං යකෝ ඇල්ලොප් අස්සෙ දාල පාන් ගෙඩි දෙන්නෙ නෑනෙ ,චාමර කිව්ව.. කාගෙන්ද...මොනවටද..? ගිම්හානට ඇත්තටම තේරුනේ නෑ මේ මොකද වෙන්නෙ කියල.ගිම්හානය.. මේක අරලිය ගෙන් ,අපෙ නංගිට දීල තිබ්බෙ.උඹට දෙන්න කියල.හැබැයි එක්සෑම් එකෙන් පස්සෙ.ඒ ඇයි.. ගිම්හාන ඇහුව.. ඒක ඉති ඒකිගෙන් අහපං ,මගෙන් අහන්නෙ.. හසිය කිව්වෙ ලියුම චාමරට පාස් කරමින්.අඩෝ දීපන් කො ඕක, ගිම්හාන් චාමරට කිව්ව. අම්මේ.. හදිස්සිය... පෙම්හසුන කියවන්න..යකෝ මේ වගේ මංගල අවස්තාවක් ආයෙ එනවද..ඒයි.. හසිය උඹ කියවපන්..චාමර ආය ලියුම හසිට පාස් කලා.ඒයි.. දීපන් බං ගිම්හාන හසිය ගෙනුත් ලියුම ඉල්ලුව.. ආපෝ පැනි බේරෙනව දැනටම.. ඉදා.. හසිය ගිම්හාන දිහාවට ලියුම විසික් කලා..

05/04/2000

ආදරණීය ගිම්හාන්,

ඔයා පුදුම වෙනව ඇති මේ ලියුම දැකල.මමත් පුදුම වෙනව මෙහෙම මම ලියුමක් ලියන එක ගැන.ඒත් ගිම්හාන මම මෙහෙම ලිව්වෙ නැත්නම් ඔයා කවදාවත් මට ආය හම්බවෙන්නෙ නැතිබව දන්නව.
මොකද මගේ විස්තර ඇහුවට පස්සෙ ඔයා කියපු දේ මම දන්නව.ඔශානි ගෙ අයිය මට ඊයෙ හම්බ උනා ,එයා ඔයාගෙ හොදම යාලුව නේ. මම එයාගෙන් ඔයා ගැන විස්තර අහද්දි, එයා ඔයා ගැනගොඩක් දේවල් කිව්ව.ඔයාගෙ ගෙදර ප්‍රශ්න,ඔයා ඉන්නෙ අත්තම්ම එක්ක බව,හැමදේම, .. හසිත අය්යට බනින්න එපා මට ඒ දේවල් කිව්ව කියල,මමයි හැම දේම ඇහුවෙ.ඔයා දන්නවද අන්තිමට හසිත අය්ය කිව්වෙ මොනාද කියල.එයා කිව්ව නංගි ඔයා ගිම්හාන ගැන ඔච්චර අහන්නෙ ඇයි කියල මට තේරෙනව ,ගිම්හානත් ඔයා ගැන විස්තර දැනගන්නකන් ඔයා ගැන හිත හිතා හිටියෙ.ඌ මට කවදාවත් ඒගැන කිව්වෙ නෑ.. ඒත් ඌ මට සහෝදරයෙක් වගේ,මට තේරෙනව ගිම්හාන මොනාද හිතන්නෙ කියල.එයා කිව්ව ඔයා ඉස්සල්ලම මෙගෙ විස්තර අහපු වෙලාවෙ කියපු ඒව.. හසිත අය්ය කිව්ව ඊට පස්සෙ මං ගැන ඔයා කොයි වෙලාවකවත් කතාකලේ නෑ කියල.
අනේ ඇයි.. ඒ.. ඔයා හිතුවද ඔයා ගැන දැනගත්තට පස්සෙ මම ඔයා මගහරී කියල..ගිම්හාන්..ඔයා දැක්ක දවසෙ ඉදල ඔයා ගැනම විතරක් හිතව්වෙ,ඔයා කවුද කියල දැනගෙන නෙවෙයි,දැනගත්තට පස්සෙ ඒ බැඳීම තවත් වැඩිඋනා මිස අඩු උනේ නෑ ගිම්හාන.මගේ හිතේ තියන ඔක්කොම මම කොහොම කියන්නද,මට තේරෙන්නෙ නෑ ගිම්හාන,ඒත් ඒ දේවල් ඔයාට දැනෙනව ඇති.. මම දන්නව... ඔයාට මාව දැනෙනව...
මේ ලියුම ඔයාට හම්බවෙන්නෙ තව සති තුනකින්,එක්සෑම් ඉවරඋනාම.මට ඕනෙ උනෙ නෑ එක්සෑම් එක අස්සෙ මේවත් ඔයාගෙ හිතට දාන්න,ඒකයි.ඒත් මගේ හිතේ හැමතිස්සෙම ඔයා ඉන්නව ගිම්හාන,හැම තිස්සෙම.තව ගොඩාරියක් දේවල් තියනව කියන්න.අනේ .. ඔයා හිතනව ඇති මට පිස්සුද කියල නේ..
මේ.. මගෙ සෙල්ෆෝන් නම්බර් එක 0755542342 කෝල් එකක් දෙන්න,මං බලන් ඉන්නව.ඔයාට බුදු සරනයි.

ඔයාට ගොඩාක් ආදරේ,
අරලියා



තුෂාර ආසිරි .

Saturday, May 23, 2020

දියැඳි සිතුවම්... 08

~08~ දැල් එලීම

මැසේජ් එකක් ආපු සද්දෙට යන්තම් ඇහැක් ඇරල ඒදිහා බලපු කමල් ආයෙත් ඇස්දෙක පියා ගත්ත.ඒත් ආය එක තප්පරේකින් කමල් ඇදෙන් නැගිට්ට නෙවෙයි,නැගිටුන.. හීනෙන් වගේ දැක්ක,නොදන්න නම්බර් එකකින් ආව මැසේජ් එක දෙපාරක්ම කියෙව්වෙ සැක ඇරගන්න.
0530,MBH - V
( උදේ 5.30 ට මවුන්ට් බීච් එකේදි - විජිත )

CPD
( කොපිඩ්/තහවුරු කලා)
කියල මැසේජ් එකට රිප්ලයි කරපු කමල් නිදාගන්න හැදුවත් ඒ නින්ද ලේසියෙන් ඈවෙ නෑ.
වටින් ගොඩින් එලිය වැටීගෙන එද්දි මවුන්ට් බීච් එකේ දුවමින් උන්න අයෙක් ට තව තුන්දෙනෙක් එකතු උනා.ගුඩ් මෝනිං සර්..තුන්දෙනාම කිව්වෙ එකම හඬින්..මෝනිං විජිත කිව්වෙ තුන් දෙනා දිහාම බලන ගමන්. හතර දෙනාම හෝටලේ සීමාව පහුවෙනකන් දුවගෙන ගියෙ කතාබහක් නැතුව.හාහ්.. කාලෙකින් හොඳ හුස්ම ටිකක් ගත්ත.. විජිත කිව්වෙ ඔරැ කඳකට හේත්තු වෙන ගමන්.. අපි හිතුවෙ සර් අපිව අතෑරලම දාල කියල ෆාතිමා කිව්වෙ හිනාවෙවි. සර්ට මේදේ උනේ අපිව පරිස්සම් කරන්න ගිහිල්ල.. ඒකයි මට අප්සට්.. ඒත් පස්සෙ සර් අපිට කතාකරන්න එපා කිව්වම, හේමාල් බිම බලාගත්ත.. අපි හිතුවෙ අපිට වඩා හොඳ ටීම් එකක් සර්ට එහෙදි සෙට් වෙලා කියල කමල් හේමාල් කියපු කතාව සම්පූර්න කලා.ස්පෙශලි අර සල්ගාදු අංකල්, ඒකට හේමාල් ඇරෙන්න ඔක්කොම හිනාඋනා. ඕකනෙ සර් මූත් එක්ක බැරි.. මම සිරා දෙයක් කියද්දි මූ ඒක ජෝක් එකට ගන්නව. හේමාල් ඕක අල්ලල දාන්න, මම එදාම කිව්වනෙ, මේක ටිකක් කූල් වෙනකන් ඈත් වෙලා ඉමු කියල.අනික අපේ අන්තිම කේස් ෆයිල් එලියට ලීක් වෙලා කුඩු වසන්තලා අපි හන්ට් කරන්න පැන්නුවෙ ඇතුලෙම ප්ලෑන් එකකට. රෝලන්ඩ්ට මම පිස්තෝලෙ ඔලුවට තිබ්බෙ ,මම සැක කරන්නෙ ඌ කියල පෙන්නල මේක ඇත්තටම කරපු උන් කන්ෆියුස් කරන්න.වසන්තට තිබ්බට පස්සෙ අපි සෙපරේට් වෙලා කියල පෙන්නන එක තමයි ඒවෙලාවෙ අපි ගත්ත හොඳම ඩිසිශන් එක.මම ඒගැන සෑහෙන දෙයක් කරල තියෙන්නෙ. මම ඇදල තියන නූල් ටික ඔක්කො එකපාර ගස්සන්න පුලුවන් උන වෙලාවක මං ඒ ඔක්කොම යවන්නෙ ඇතුලට නැත්නම් ,අඩි හයක් යටට. විජිත කිව්ව.
ඕකේ අපි සබ්ජෙක්ට් එකට බහිමු. එන්න කලින් මම එවපු බ්‍රීෆින් එක ස්ටඩි කරානෙ. ඔව් සර් .. මේ පුද්ගලයට ත්‍රෙට් එකක් තිබ්බද..? ඒ මොන හේතුවක් නිසාද..? කාගෙන්ද..?ඒ ත්‍රෙට් එක ආපු පාර්ශවයෙන් ගත්ත ඇක්ශන් එක මොනවද..? මේ බ්ලඩ් පොයිසන් වීම සහ පිලිකාව ඒ ඇක්ශන් වල රිසාල්ට් එකක්ද.. මේව තමා අපේ ඉන්වෙස්ටිගේශන් එකේ දැනට ස්කෝප් එක. අපි බලමු ඉස්සරහට අපි කලෙක් කරන ඉන්ෆො එක්ක මේක තව මොන මොන පැතිවල යයිද කියල..
ක්ලියර් සර්.. සර් මේක කෝට් කේස් එකක්ද ,නැත්නම් පොලිසියෙන් අපිට ට්‍රාන්ස්ෆර් කරපු එකක්ද..? කමල් ඇහුවා.. ආ .. එතෙන්ට තමයි මම එන්න හිටියෙ කමල්.. මේක චීෆ් ඩිරෙක්ට් හැඬල් කරන ස්පෙශල් කේස් එකක්.. හැබැයි මේ කේස් එක ඩිපාට්මන්ට් එකේ කිසිම විදියකට ලොග් වෙන්න බෑ. කොටිම්ම කිව්වොත් මෙහෙම ඉන්වෙස්ටිගේශන් එකක් උනා කියල කවදාවත් කොහෙවත් ලියවෙන්නෙ නෑ. අපි අන්තිමටම හොයාගන්න කරුනු මත යම්කිසි ඇක්ශන් එකක් ගන්න ඕනෙ කියල චීෆ් තීරනය කලොත් හැර.. තේරුනානෙ.. ඔව් සර්.. කමල් කිව්වා.. ලොග් නෝට් දාන්නෙ නැතුව කොහොමද ඩේට බේස් , ෆෝන් රෙකෝඩ්ස්වගේ ඒවට ලොග් වෙන්නෙ..හේමාල් ඇහුව.. මොනවත් නොකියම විජිත ෆාතිමා දිහාට හැරුන. ෆාතිමා..?? නෝ ප්‍රොබ්ලම් සර්.. ෆාතිමා කිව්වෙ හිනාවෙමින්, මොන ඩිපාට්මන්ට් එකේ මොන ඩේට බේස් එකටද ලොග් වෙන්න ඔනෙ කියල විතරක් කියන්න ෆාතිමා කිව්ව.. හරි නෙ... විජිත හේමාල් ගෙන් ඇහුව. තුන් දෙනාම හෙට ඉදන් පූල් එකේ, සයිඩ් වෙපන් හෑන්ඩ් ඕව කරන්න ඔනෙ නෑ.ලඟතියා ගන්න. දැන් ඉඳල අපි යූස් කරන්නෙ මේ ෆෝන්, විජිත පරන ඇනලොග් ෆෝන් තුනක් සයිඩ් බෑග් එකෙන් අරන් දුන්න.පරන උනාට කැමරාත් තියනව විජිත කිව්ව.ෆාතිමා කම්පියුටර් එක.. ?? විජිත ඇහුවා.. ඒක අවුලක් නෑ සර් මම මේ සිම් එකෙන්ම නෙට් ලොග්වෙනව.. කොහොමත් මම කේස් එක ඉවර වෙද්දිම මැශින් එක ඩිස්ට්‍රෝයි කරනව ෆාතිමා කිව්ව.
ඕකෙ, ෆාතිමා හෙට ඉඳල රාජසේකර ගෙදර හවුස් මේඩ්,කවුරුහරි ඇහුවොත් කියන්න කලින් අගමැති තුමාගෙ මහගෙදර වැඩට හිටියෙ කියල. ෆාතිමා මට ගෙදරට යන එන අය, රාජසේකරගෙ කනබොන, ජීවත් වෙන විදිය,පුරුදු,ගෙදර අනිත් වැඩකාරයො කතාවෙන ගොසිප් ඔක්කොම ඕන..පැහැදිලි ද..?? යස් සර් ෆාතිමා කිව්ව.
හේමාල් කැන්ඩි යන්න, රාජසේකරගෙ කැන්ඩි වල විස්තර, ෆැමිලි විස්තර,හොයන්න,.. ඕකෙ සර් හේමාල් කිව්ව.
කමල් හෙට ඉදල ෆිනෑන්ස් එකේ වැඩ, රාජසේකර ගෙ ඔෆිස් ලයිෆ් එක, පුරුදු,ගොසිප්,හැම දෙයක්ම...හැම පොඩි ඩීටේල් එකක්ම ගන්න.. ඒක කරන්න හොඳම ජොබ් එකක් මම සෙට් කරල තියනව.. විජිත කිව්වෙ කමල් දිහා බලමින්.. ඒක හොඳයි සර්, මම යුනියෙ ඉන්න කාලෙත් ට්‍රයි කලා බෑන්ක් එක්ක හරි ෆයිනෑන්ස් කොම්පැනියක හරි වැඩ කරන්න. ඒත් ඉතිං සෙට් උනෙ මේ ජොබ් එකනෙ.. කමක් නෑ මෙහෙම හරි ටයි එකක් එහෙම දාගෙන එක්සෙකටිව් ජොබ් එකක් කරන්න හම්බවෙනව නං.. කමල් කිව්වෙ කොලර් එකත් උස්ස ගන්න ගමන්.
අයිසෙ මම තමුසෙව එතෙන්ට යවන්නෙ පියන් කෙනෙක් විදියට...

තුෂාර ආසිරි .