~02~ මේක සිම්පල් කේස් එකක්
මේවගේ කේස් හරියට එනව, කුලී කාරයො ගෙවල් දාල යන්නෙ පැදුරටත් නොකිය..ගෙවල් කුලී එහෙම හරියට ලැබුනද?? ඔව් ඔව් ඒව වෙලාවට ගෙව්වනෙ.මයෙ ළග මාස දෙකක කී මනිත් තියල තිබ්බෙ.ඒකවත් ඉල්ලපු
නැති එකනෙ පුදුමෙ මහත්තයො.අනික කෝ මේ දරුවගෙ බඩුමුට්ටු ..හා මේකෙ තව බලන්න දෙයක් නෑ. සිරිල් දාගනව නෝට් එකක් කාමරයේ කිසිදු පුද්ගලයෙකු සිටි බවට සාක්ශියක් නැත කියල, කියමින් සාජන් විමලරත්න පහලට බැස්ස. මේකද ඔය හාදයගෙ බයික් එක, මේකත් සටහන් කර ගන්නව එන්ජින් නොම්මර, චැසි නොම්මර එක්කම ඈ, බලනව මේකෙ පොත් පත් තියෙනවද කියල, හා සාමි මහත්තය සිරිල් උත්තර දෙන ගමන්ම බයික් එකෙ මීටර එක ළග පොකට්ටුවට අතදාල බලව්ව. යතුර විතරයි තිබ්බෙ ඒක මම අරන් තිබ්බ..දරුවත් වඩාගෙන දොරෙන් එබුනු ටානියා කිව්ව. මේ කවුද..? සාජන් මහත්තය ඇහුව, මේ මගෙ දුව මහත්තයො, දුවේ ඒක මේ මහත්තුරුන්ට ගෙනත් දෙන්න, තේ ටිකකුත් හදන්න දුවේ.මහත්තය එන්නකො ඇතුලෙන් වාඩි වෙන්න, ග්‍රේස් කතාකලා. හ්ම්.. දැන් මේ අතුරුදන් වෙච්ච අය මෙහෙ කාමරේ කුලියට අරන් කොච්චර කල්ද, අවුරුදු දෙක හමාරක් මහත්තය. ඔය පුද්ගලයගෙ හැදුනුම්පත් කොපි , ග්‍රාමසේවක සහතික , වැඩ කරන තැන ඇඩ්‍රස් එහෙම තියනවද?? ඒකනම් මේ... ග්‍රේස් තාවර උනා.. ඒව් අපිලඟ නෑනෙ මහත්තය ග්‍රේස් කීවෙ තතනමින්. ඕකනෙ කියන්නෙ , ඕකනෙ කියන්නෙ , ඔහෙල බබ්බුද දන්නැති එවුන්ට ගෙවල් කුලියට දෙනව හෙවිල්ලක් බැලිල්ලක් නැතිව, ඌ හොරෙක්ද, ත්‍රස්තවාදීයෙක් ද කවුද දන්නෙ.. අනේ නෑ මහත්තයො ඒ දරුව කතාබහක් නැති අහිංසක දරුවෙක්. ගෙවල් කුලියටත් එකපාරම කැමති උනානෙ. අනේ කිසි කරදරයක් තිබ්බෙ නෑ.. මේ ගෑනු දෙනෙකුයි දරුවෙකුයි ඉන්න තැන ඒ දරුව හිටපු එකත් හයියක් නෙව.අනේ ඒ දරුවට කරදරයක් ද කවුද දන්නෙ.. ග්‍රේස් හූල්ලන්න උනා.. හා..හා..නවත්තනව ඇඩියාව.. සල්ලි දුන්නොත් තමුන්ලට අනිත් ඔක්කොම හොදයි. තමුන්ල තමයි අරන් ගිහින් කූඩුවට දාන්න ඕනෙ, මේ වගේ වගකීමක් නැති විදියට වැඩ කරනවට, විමලරත්න සාජන් ගෝරනාඩු කලා. සර් මෙන්න බයිල් එකේ යතුරය. ටානියා කීවා.. හම් ඕක තියාගන්න , ඔය මනුස්සය ආවොත් කියන්න බයික් එකේ පොත්පත් අරන් ඇවිත් පොලිස් පොතේ සටහන් කරගන්න කියල හරිද, හා සර් ටානියා උත්තර දුන්න. මිනිහගෙ සෙල්ෆෝන් එක වැඩ.නෑ කිව්වනෙ, මොකක්ද වැඩ කරන තැන ලිපිනය. කොස්තාපල් ඇහුවා.. ලිපිනයනම් දන්නෙ නෑ සර් යුනික් ෆිනෑන්ස් එකේ හෙඩ් ඔෆිස් එකේ වැඩ කියල තමයි අපිට කියල තිබ්බෙ, ටානියා ආයෙත් උත්තර දුන්න, ඉතින් තමුන්ල ඒ ආයතනෙට කතා කරල බැලුවෙ නැද්ද, කතාකලා සර් එහෙන් කිව්ව නිකං අකිල කියන නමින් විතරක් එයාලට හොයාගන්න බෑ, මොකක්ද සෙක්ශන් එක ඇහුවා.. අපි අකිල හිටපු සෙක්ශන් එක දැනන් හිටියෙ නෑනෙ සර් කියපු ටානියා කදුලු පිරිනු ඇස් පිහිදගත්ත.එතකොට තමුන්ගෙ ස්වාමිපුරුෂයා මොකද කරන්නෙ , සාජන් විමලරත්න ඇහුවෙ ටානියා දිහා සැලකිල්ලෙන් බලනගමන්, එයා අපෙන් ඩිවෝස් වෙන්න ඉල්ලලයි තියෙන්නෙ, ටානියා ආයෙත් පාරක් කදුලු පිහිද ගත්තා..හ්ම් ඒකත් එහෙමද..තමුන්ලගෙ පැමිනිල්ලට අනුව අපි මේ විභාගෙට ගත්ත දේවල් එක්ක අපි සොයා බැලීමක් කරන්නම්. මෙතන අපරාධ යක්, වංචාවක් වෙලත් නෑ. බෝඩිංකාරයො ඔහොම පැදුරටත් නොකිය යනව.ඒ නිසා මේගැන කරදර වෙන්න ඕනෙ නෑ, නමුත් මීට පස්සෙවත් බෝඩිං කාරයි ගද්දි නීති රෙගුලාසි අනුව කටයුතු කරන්න ඔනෙ, තේරුනාද කියපු සාජන් නැගිට්ට.හම් යමු සිරිල්.. ජීප් එකේ යන අතරෙ සිරිල් කල්පනා කලේ පැදුරටත් නොකිය පැනල ගිය බෝඩිං කාරය ගැන.මේකෙ මොකක් හරි කොස්සක් තියනව කියල සිරිල්ට තේරුම් ගිහින් තිබුන. සාමි මහත්තය , සිරිල් රැල්බුරුල් ඇරල කතාව පටන් ගත්ත, අර කේස් එකේ අමුත්තක් දැනෙන්නෙ නැද්ද. නෑ මං කියන්නෙ අර මහ ගෑනි කියාපු විදියට මිනිහෙක් හිටපු ලකුනක් වත් ඒ කාමරේ නෑ, තියෙන බයික් එකේ පොත් පත් නෑ.. ඇඩ්‍රස් නෑ.. මුං ඒ යකාගෙ සම්පුර්ණ නමවත් දන්නෙ නෑ. ඒම වෙන්න බෑනෙ සාමි මහත්තය, මේ ගෑනු දෙන්න මොකාටද එන්න හදන්නෙ.හහ්.. හහ්.. හහ්.. විමලරත්න හයියෙන් හිනාවෙන්න පටන්ගත්ත. ඕකනෙ සාමි මහත්තය බැරි.අපි මොනාහරි කිව්වොත් විහිලු .සිරිල් අමනාපෙන් බිම බලා ගත්ත. හා..හා.. තමුසෙටත් ගිනිපුක්නෙ ඕයි..අයිසෙ සිරිල් මේ අහනව මගෙ අවුරුදු හතලිහක සර්විස් එකෙන් කියන්නෙ.. අර දරුවෙකුත් එක්ක හිටපු කෙල්ල දැක්ක ගමන් මම හිතාගත්ත කේස් එක මොකක්ද කියල.. මේක මේ ලවි කේස් එකක් අයිසෙ.. කෙල්ලගෙ මිනිහ නෑ.. අම්ම නාකි පරානයක්.. ඉතිං මේ බෝඩිං කාරය කෙල්ල එක්ක යාලු උනා.අනිවාරතේම කෙල්ලගෙ බඩට දරුවෙක් එන්න ඇති, ඉතිං තමුසෙම කියනවා තමුසෙ අතින් ඔය වැරැද්ද උනානං මොකද කරන්නෙ කියල.. හහ්..හහ්..හා... පැදුරටත් නොකිය මාරුවෙනවනෙ... සාජන් සාක්කුවෙන් විටක් අරන් සිරිල්ට දික්කලා... කනවද..? ඔන්න ඕක අතඇරල දානව අයිසෙ, හොරකමක් වංචාවක් වෙලත් නැ, අපරාධයක හෝඩුවාවකුත් නෑ..ඉතිං මොන මගුලක් ද?නිකං කාලෙ නාස්තිකරගත්ත..
තුෂාර ආසිරි
No comments:
Post a Comment