සර් කෝල් එක.. ටෙලිෆෝන් එක හතරවෙනි පාරටත් රිංග් වෙද්දි සාජන් සල්ගාදු කිව්ව.ඕක බලනව අයිසෙ,මේකට වැඩකට ඇති කෝල් එකක් එන්නෙ නෑනෙ,කියපු විජිත සිගරැට් එකක් පත්තු කරගෙන කකුල් දෙකත් උස්සල මේසෙ කොනක තියාගත්ත.නොදකිං , අතලඟ තියන පෝන් එක උස්සන්නත් මම යන්න ඕනෙ, කියල හිතින් බනිමින් ආපු සල්ගාදු ෆෝන් එක ඉස්සුවා.. හාලෝහ්... ෆයිල් රෑම් සර්.. ඊට පස්සෙ ඇහුනෙ සල්ගාදු ගෙ කට හඩ දියාරු වෙලා යන සද්දේ...ඇස් කොනින් සල්ගාදු දිහා බලද්දි විජිත දැක්කෙ සල්ගාදු දෙකට නැමිල ෆෝන් රිසීවර් එක තමන් දිහාවට දික් කරන් ඉන්න හැටි.මොකද අයිසෙ... චි..චි චීෆ් සර් කියපු සල්ගාදු විජිත ට රිසීවරේ අත් දෙකින්ම දුන්න.
හෙලෝ, ගුඩ් මෝර්නිං චීෆ්,.යස් චීෆ් .. 1500 හවර්ස් .. ඔකේ කියපු විජිත ෆෝන් එක තිබ්බ.
සල්ගාදු තවම හිටගත්ත ගමන්, මොකෝ අයිසෙ තමුසෙට උනෙ කියපු විජිත හිනා උනා.නෑ සර් චීෆ් සර් නේ කියපු සල්ගාදු ආයෙත් ඇඹරුනා. මොකද තමුසෙ ඔච්චර ඇඹරෙන්නෙ ඉතිං කියපු විජිත සිගරැට් පැකට් එක සල්ගාදු ට දික්කලා. ගන්නව..
එකක් ගත්ත සල්ගාදු මේසෙට යන්න හැරුනෙ මොනා උනත් හොඳ මිනිහ කියල හිතාගෙන.මේ හදනව හොඳ තේ එකක් විජිත කිව්වෙ එහෙම හිතනවත් එක්කම.. නොදකිං.. දැන් හදපල්ලකො තේ.. මේකට තේ අදින හැටි ගෑනි එහෙම දන්නවනං මාව ගෙදරිනුත් දොට්ට දාල හිතමින්,යකෝ මූ මේකට පනිෂ්මන්ට් ට්‍රාන්සර් ආවට මමනෙ ආ දවසෙ ඉදල පනිෂ්මන්ට් කන්නෙ හිතමින් සල්ගාදු එහා කාමරේට ගියා.
ආ විජිත කොහොමද ...ගුඩ් ආෆ්ටර්නූන් චීෆ්,කියපු විජිත සීරුවට හිටගත්ත, සිට් සිට් විජිත .. කියපු චීෆ් , ලාච්චුවෙන් ෆයිල් එකක් එලියට ගත්ත. ඕකේ.. විජිත මම කෙලින්ම කාරනේට බහින්නම්, ගාමිණි රාජසේකර ,අහලත් ඇති.. ලංකාවෙ ඉන්න ලීඩිං බිස්නස්මන් කෙනෙක්, යුනික් ෆිනෑන්ස් එකේ චයාමන්, වගේම ශෙයා හෝල්ඩර් කෙනෙක්, ලංකාපුත්‍ර බැකුවෙ ඩිරෙක්ට බෝඩ් එකෙත් ඉන්නව. තව ඔය ෆයිනෑන්ශල් බිස්නස් එකේ මිනිහට සම්බන්ධ කම්පැනීස් කීපෙකුත් තියනව.මාස තුන හතරකට කලින් මේ පුද්ගලය පිලිකා රෝගයට සමාන රෝග ලක්ෂන නිසා නවලෝකෙට ඇඩ්මිට් කරනව. හැබැයි විජිත මෙහෙ ඩොක්ටර්ස්ලට බැරිවෙනව හරි ඩයග්නෝසිස් එකක් ගන්න.ඊට පස්සෙ සිංගප්පූරුව ගිහින් එහෙන් ඩයග්නෝසිස් එකක් කලා , මේතියෙන්නෙ ඒ රිපෝර්ට් එක, චීෆ් විජිත දිහාවට රිපෝර්ට් එක තල්ලු කලා.ඕක කම්ප්ලිකේඩ් පස්සෙ ස්ටඩි කරන්න, කතාව කෙටියෙන් මේකයි.මිස්ට රාජසේකරට තියෙන්නෙ බ්ලඩ් කැන්සර් එකක්,ඒවගේම බ්ලඩ් ස්ට්‍රීම් එකේ අවදානම් සහගත ප්‍රමානයක් ඊයම් වැඩිපුර තියනව.සමහරක් විට ඒක හේතුවෙන්න පුලුවන් කැන්සර් එකට,නමුත් ඒක සැකයක් විතරයි.කැන්සර් එක ජෙනටිකලිම එන්නත් පුලුවන් .රිපෝට් වල විදියට මෙ පුද්ගලයාගෙ අභ්‍යන්තර අවයව දැන් ඩැමේජ් වෙලා ක්‍රිටිකල් ස්ටේජ් එකක ඉන්නෙ.ඇත්තටම ඩොක්ටර්ස්ලගෙ ෆෝකාස්ට් එක තව මාසයයි. දැනට මෙයා හොඳ මෙඩිකල් ඇටෙන්ශන් එකක් එක්ක ගෙදර ඉන්නෙ.මිනිහ මරනෙට වඩා විඳවනව විජිත කියපු චීෆ් කන්නාඩිදෙක හලවල පිහිදගෙන ආයෙත් දාගත්ත.
චීෆ් ඊයම් වැඩිකතාව ටිකක් ..... විජිත ඇහුව... ඔව් ඔව් විජිත ඒකෙ වෙන්න පුලුවන්.. ඒත් මේකට කම්ප්ලේන් එකක් වත්, කේස් එකක් බිල්ඩප් කරන්නවත් අපට කිසිම තොරතුරක් නෑ.ඊයම් වැඩිවීම නිසාම මෙක උනා කියල මෙඩිකල් ප්‍රොෆෙශනල්ස්ල කියන්නෙ නෑ.ඊයම් වැඩිබව එයාලගෙ ඔබ්සර්වේශන් එකක් විතරයි.යම්කිසි දෙයක් උනානම් ඒක කාලෙත් එක්ක වෙලා තියෙන්නෙ.. ඒකයි හොයාගන්න දවස වෙද්දි ඩැමේජ් එක වැඩිඋනෙ.කිසිම මෙඩිකල් රිපෝට් එකකින් කියන්නෙ නෑ මේක සැලසුම් සහගතව කවුරු හරිලබා දුන්නාය කියල.අනිත් එක එහෙම කරන එක සරල දේකුත් නෙවෙයි,එහෙම දෙයක් කොහොමද උනේ.මිස්ට රාජසේකර ගෙන් කට උත්තරයක් ගන්නත් බෑ.ඉනිශල් පොලිස් කම්ප්ලේන් එකකුත් නෑ..ඒත් පුතා අපිට මේකට ඉන්වෝල් වෙන්න වෙලා තියනව.
චීෆ් ඉස්සරහට නැඹුරු උනා.. ප්‍රයිමිනිස්ටර් මට පර්සනලි කතාකරල කිව්ව මේකෙ සුලමුල හොයන්න කියල.ඔහ් නෝ.. විජිත ඔලුව හෙල්ලුවෙ නොරිස්සුමෙන් වගේ.. මට තේරෙනව විජිත , බට් මේක අන් ඔෆිශල් ඕඩර් එකක්.. රාජසේකර ප්‍රයිමිනිස්ටර් ගෙ ලගම හිතවතෙක්, මටවෙනත් විදියට දැනගන්නහම්බ උන මෑන් තමයි ප්‍රයිමිනිස්ටර් ගෙ ෆයිනෑන්ශල් හැන්ඩලර්..දන්නවනෙ විජිත... ඔය පොලිටිශන්ලගෙ බිස්නස්, අනිත් එක තමයි මිනිහට වීඅයිපී ඩිවිශන් එකෙන් කොල්ලො දෙන්නෙක්ගෙ ගාර්ඩ් එකකුත් දීල තියනව.ඈස් පර් ද ප්‍රයිමිනිස්ටර්ස් රික්වෙස්ට්,තේරෙනවනෙ මිනිහ කොච්චර ඉම්පෝර්ටන්ට් ද කියල..
හැබැයි විජිත මේ වැඩේ වෙන්න ඕනෙ අන් ඔෆිශලි,ලොක්කට ඕනෙ නෑ මේක එලියට එනවට,මොකද දැනට තියන තත්වෙ අනුව රාජසේකර මැරුනත් ඒක කම්ප්ලේන් නැති,පිලිකාවක් නිසා උන මරනයක්.පෝස්ට් මෝටම් එකෙන්වත් ඒක චැලේන්ජ් වෙන්නෙ නෑ.මෙයාට ඇත්තටම දැනගන්න ඕනෙ අර මෙඩිකල් රිපෝට් එකෙන් සැක කරපු දේ ඇත්ත නැත්ත,අනිත් එක තමයි රාජසේකර මොනාහරි දෙයක් තමුන්ට වෙයි කියල බයෙන් ඉඳල තියෙන්නෙ.ඒක ප්‍රයිමිනිස්ටර් අතින් එදා කියවුන.මම හිතන්නෙ ඕක තමා ප්‍රදානතම හේතුව විජිත, තමුන්ගෙ ලඟම මිනිහ ටාගට් වෙලා කියන්නෙ ,ඊළඟට තමුන් වෙන්න පුලුවන් කියල හිතනව ඇති.
ඕකේ දෙන් විජිත මෙන්න මෙඩිකල් රිපෝර්ට්ස්, මගෙ ඉනිශල් ඔබ්සර්වේශන්, ඇන්ඩ් කෙස් ඕතරයිසේශන් පේපර්ස්,
අනිත් එක ..විජිත දැනට ඉන්න තැනම ඉඳල කේස් එක හැන්ඩල් කරන්න, මේ ගැන කවුරුන් දැනගන්න අවශ්‍ය නෑ. අන්ඩර්ස්ටෑන්ඩ් චීෆ්...විජිත උත්තරය දුන්න.
චීෆ් කැන් යූ ඩූ ම් අෆේවර්??? යස් යස් ටෙල් මී..චීෆ් කිව්වා.. චීෆ්..
හෙමාල් වික්‍රමසිංහ,ෆාතිමා නුරුද්දීන්,කමල් විතානගේ.. මේ තුන්දෙනා ඔපරේෂන් එකට ඇසයින් කරගන්න ඕන.ඕකේ .. මට රික්වෙස්ට් එක මේල් කරන්න, මම ඉමිඩියට්ලි තුන්දෙනාවම කරන්ට් ඇසයින්මන්ට් වලින් රිලිස් කරල පූල් එකේ ස්ටෑන්ඩ්බයි දාන්නම්.. එනිතින්ග් එල්ස්..??? නෝ චීෆ් විජිත කිව්ව.
ඕකේ දෙන් ඩිස්මිස්....
තුෂාර ආසිරි .
No comments:
Post a Comment