දියැඳි සිතුවම්... 06

~06~ මුස්පේන්තු ගෝලයා

කඩේ මිදුලටම සීරුවෙන් ඇදුනු කාරය ජෑම් ගහ යට නවත්තල ,හොඳට ඇද පැලඳපු මහත්තයෙක් බැහැල ආව.මුදලාලි සිගරැට් තියනවද, ගෝල්ඩ්ලිෆ්..?? ආ තේත් තියනව නේ..දාන්නකො හොඳ ටී එකකුත්.මේ සර් නං කලින් මෙහෙට ඇවිල්ල නෑ.. හ්ම් අද තමයි මෙහාට ඉස්සල්ලම ආවෙ, අමුත්ත සිගරැට්ටුව පත්තුකරගන්න ගමන්ම උත්තරය දුන්න.තේ එකෙන් උගුරකුත් බිව්ව.ඒක නේ මහත්තය ඇවිත් තියනවනම් මට මතකයි. අමුත්ත කතාව ආය පටන් ගත්තා ,රේල්වෙ එකෙන් මේ සී.ජී.ආර් ඉඩම් වල කොන්ක්‍රිට් සිල්පර වැඩපොලක් පටන්ගන්න යන්නෙ ඊලග මාසෙ ඉඳල.මම තමයි ඒක බාර ඉංජිනේරු.අද මං ආවෙ මේ වටපිටාව ටිකක් බලාගෙන යන්න.අනේ හොඳ යි සර්, මේ ඉඩම් කාටත් ප්‍රයෝජන නොවී වල් වැදිලා තියනවට වඩා හොඳයි එහෙම දෙයක් පටන්ගන්න එක.කොල්ලන්ට රස්ස ටිකක් හරි ලැබෙයිනෙ.කොල්ලන්ට විතරක් නෙවෙයි මුදලාලිටත් හොඳයි ,තේ කඩේ කෑම කඩයක් ම කරතහැකි.ඉංජිනේරුව කිව්වෙ ඇහැක් ඉඟිමරමින්.මට පුලුවන් ඒක රෙකමන්ඩ් කරල දෙන්න.මොකද කියන්නෙ ඉංජිනේරුව මුදලාලි දිහා බලන් ඇහුවා.අනේ මොනා කියනවද සර්.. මම යුතුකම් දන්නව, සර් මේ උදව්ව මට කරල බලන්නකො.. අම්මප ඕනෙ දෙයක් මම සර් වෙනුවෙන් කරනව.. මුදලාලි කිව්වෙ ශෝටීස් පිගානකුත් ලංකරමින්..මේ පැත්ත ගැන විස්තර ටිකක් කිව්ව මගෙ යාලුවෙක්, මිනිහ අදුනන කෙනෙක් මේ කිට්ටුව ගරාජ් එකක් කරනව කිව්ව.මිනිහ කාලෙකින් දැක්කෙත් නෑ ඒත් මගෙ යාලුවගෙ නම කිව්වොත් සලකල උදව් කරයි කිව්ව.මට ඔය ගරාජ් කාරයගෙ නම ඔලුවට එන්නෙ නෑනේ.. විසල්.. ද.. වි ..වි. ශෙහ් ඒවගෙ නමක්, ඉංජිනේරුව ඔලුවට තට්ටු දමම්න් මතක් කලා. සර් මිනිහගෙ නම විමලෙ ද.??? දැට්ස් රයිට්.. විමලෙ, විමලෙ.. මුදලාලි දන්නව වගේ මෑන්, කොහෙද මිනිහ ඉන්නෙ දැන්.?
ගරාජ් එක නම් මේ ලඟ පාත් සර් , හැබැයි මිනිහ ඕක් දාල මීට අවුරුදු දෙකකට හමාරකට කිට්ටුව ගමට ගියා.තිස්පනේ ..විමලය මට පොඩි ගානක් දෙන්නත් තියනව.. දැන්නම් ඕව පොත්වලින් කැපිල.මිනිහ කෝල් කලාමත් මම ඕක මතක්කලා වැඩ්ඩක් නෑ. මුදලාලි කීව.ඔය කෝල් කලා කීවෙ ඊයෙ පෙරේදද..? ඉංජිනේරුව ඇහුව, නෑ සර් මිනිහ ගියාට පස්සේ කෝල් කලේ. තිස්මඩ හදිසියේම ආවාය.ගෝලය හෙට කඩේ යතුර ගෙනත් දෙයිය,ඒක මං එනකන් තියාගන්න කියල කිව්ව.. ඉතිං ..? පහුවෙනිදා මට ඇට් හෝම් ගෙදරකට යන්න තිබ්බ නිසා මම එදාම හවස ගියා යතුරු ඉල්ලගන්න.කොහෙද අර යකා බිම සිමෙන්ති දැමිල්ලක් කරනව ඒ අස්සෙ. ඉනුත් පහුවෙනිදා හවස ඔය යකා කඩේටම ඇවිත් යතුරු ටික දුන්න.
කවුද මුදලාලි ඔය ගෝලය..?. අනේ දන්නෙනෑ සර්, ඔය තිස්මඩ ඉඳල ආපු විමලෙගෙ දුර නෑයෙක් කියලනෙ කිව්ව.මොකෙක් උනත් අමු පෙරේතයෙක්, ආ දවසෙ ඉඳල ඇදන් හිටියෙ එකම ඇදුම, රැවුලක්, කොන්ඩයක් කපන්නෙ නැති,මිනිහෙක් ගෙ මූන දිහා බලල කතා කරන්නෙ නැති මූසලයෙක්.කොහොමහරි සර් ඔය යතුරු හුටපටෙන් පස්සෙ මිනිහත් යන්න ගියා.මට නං හිතන්නෙ දෙන්නගෙ මොකක් හරි හුටපටයක් තිබ්බ,ඒකනෙ මට කෝල් කරලම කිව්වෙ උගෙන් යතුරු ඉල්ලගන්න කියල.
හ්ම්.. දැන් ඔය තැන වහල දාල තියෙන්නෙ ඉංජිනේරුව ඇහුව. හි.හි. නෑ සර් මුදලාලි ආයෙත් ඔලුව කසන්න ගත්ත. ඕක තිබ්බෙ මඩුව වගේ , මොනා උනත් අර ගෝල කොල්ල බිම සිමෙන්ති ටික දාල ගිය නිසා එතන පොඩ්ඩක් කල එලි උනා.
ඉතිං මම තව ටිකක් ඔතන පිලිවෙල කරල මගෙ බෑනට දුන්න බාබර් සාප්පුවක් දාන්න.හ්ම්.. ඒකට කමක් නෑ.. නිකන් ඕව වහල තියන්නෙ මොකටද..? මම හිතන්නෙ මගෙ යාලුව ඔය හුටපට දන්නෙ නෑ.. මම කියන්නම් මිනිහ දැන් මෙහෙ නෑ කියල.. මට මුදලාලි ගෙ ටෙලිෆෝන් නොම්මරේ දෙන්න. අර විමල් ද මොකාද කියන මනුස්සයගෙත් නොම්මරේ දෙන්න.මම මගෙ යාලුවට දෙන්නම්.ආ හරි සර් ඉන්න මම ලියල දෙන්නම්, මුදලාලි කවුන්ටරේට ගියා. එතකොට මගෙ ගාන කීයද? ගෝල්ඩ්ලිෆ් පැකට් එකයි, ටී එකයි,ශෝටීස් දෙකයි.. ඉංජිනේරුව ඇහුව.. අනේ පිස්සුද අපෙ සර්.. ඕක මොකක්ද...සර්ල ඇවිත් වැඩ පටන්ගන්න කො මුදලාලි කිව්ව..එහෙම හරිනෑනෙ මුදලාලි කියන්න මගෙ ගාන.. හරි හරි සර් අපි ඔය ගනුදෙනු පස්සෙ බලමු.. මුදලාලි කිව්වෙ හිනා වෙවී.
හරි බොහොම ස්තුතියි එහෙනම්, මම අපේ ෆෝමන්ට කියන්නම් මුදලාලි එක්ක කතා කරල කෑම බීම් ,සිල්ලරබඩු මෙහෙන්ම ගන්න පිලිවෙලක් කරගන්න කියල.. එහෙම හොඳයි නෙ කියපු ඉංජිනේරුව කාරය පාරට හැරෙව්ව.
සර්.. හේමාල් .. ඔව් සර්.. එතන තව එකෙක් ඉඳල තියනව.. ඕක් සර් ..
ෆෝන් එක ඕෆ් කරපු ඉංජිනේරුව ඒක සීට් එක උඩට දැම්ම.

තුෂාර ආසිරි .