Followers

Wednesday, May 20, 2020

දියැඳි සිතුවම්... 03

~03~ කතාකරන ඇස්

මේ.. ඔයා ගිම්හාන් නේද ස්ටේජ් ඩ්‍රාම එකේ බෲටස් ට ඇක්ට් කලේ.. ඔ.ඕව් ...කලා උලෙල ඉවරවෙලා යන කොල්ලො කෙල්ලො අතරින් ආපු ලස්සන කෙල්ලෙක් ගිම්හාන් නවත්තගෙන ඇහුව.. ගිම්හාන්ට නිකන් දැනුනෙ ලෝකෙ කැරකෙන්න වගෙ, ස්ටේජ් එක උඩ ලෝකෙම යටකරගන්න තරම් හයියක් දැනුනත් කෙල්ලො ඉස්සරහ ගිම්හාන් හැසිරුනෙ හරි කුලෑටි විදියට.යකෝ උඹ පට්ට ෆේමස් ඔය කෙල්ලෙක් හිනාවෙද්දි, කතාකරද්දි ඉබ්බ වගේ ඉන්නෙ නැතුව කතාකරල හිටපන්. අපිට ඔහොම ලක් එකක් තිබ්බනම් අද හයිස්කූල්, හෙට මහාමායා අනිද්ද ගුඩ් ශෙපර්ඩ් .. යාලුවො හැමදාම වදේ ගැහුවෙ එහෙම කියල.
මම අරලියා, අරලියා ඒකනායක.. ඔයාගෙ ෆෑන් කෙනෙක්. මමත් ඩ්‍රාම ක්ලබ් එකේ ඉන්නව.ඒත් ඉතින් ඔයාට වගේ හොදට ඇක්ට් කරන්න නම් බෑ. කෙල්ල කියවන් යනව. ඒක තමයි... කියන්න මොනවත් කටට ආවෙ නැතිතැන ගිම්හාන් ට කියවුනා.. ඒක තමයි කියන්නෙ ඔයා මගේ ඩ්‍රාම බලල තියනව එහෙනම්.. අරලියා හිනාවුනා.. ගිම්හාන් පොඩ්ඩක් ඔලුව උස්සල හරියට අරලියා ගෙ මූන දිහා බැලුවෙ ඒ වෙලාවෙ.. ඒ කතාකරන , හිනාවෙන ඇස් එක්ක මීට ගොඩාක් කාලෙකට කලින් කරපු කතාබහක්, පොඩ්ඩකට නවත්තපු ඒත් තවම ඉවර නොවුණු කතාබහක් තියනව කියල ගිම්හාන් ට ඉසිස්සල්ලම දැනුනෙ ඒ වෙලාවෙ.එතනින් එහාට අරලියා කතාකලෙත් නෑ.. කියන්න බැරි දෙයක් එකපාරටම හිතත් කතාවත් අල්ලගත්ත වගේ අරලියා ට දැනුන.හා.. යමු යමු දෙන්න මෙතන රෝමියෝ ජුලියට් කරන්න වගේ යන්නෙ. එතනට ආපු කෙල්ලො ටිකක් අරලියාගෙ අතින් ඇද්ද.ආය හම්බවෙමු ගිම්හාන්.. අරලියා ඇස් පුංචි කරල හිනා උනා.. හා.... ගිම්හාන් කිව්ව නෙවයි.. කියවුනා.. කෙල්ලො රංචුව ආයෙත් හිනාවෙන්න පටන් ගත්තා.. බායි ගිම්හාන් ඉන් ඔක්කොම කිව්වෙ එකට..
අම්ම ගහයි බැට් එකෙන්... බායි ගිම්හාන්... කොහෙදෝ ඉදන් ආපු හසියා කිව්වෙ ගිම්හාන් ගෙ පිටෙන් හොල්ලමින්.. යකෝ මූ එකෙකුට නෙවේ ඔක්කොටම ලයින් වගේ චාමර කිව්වෙ අඬන මූනක් හදාගෙන.. අපිට එකෙක් හරි ඉතුරු කරපන් මචං, තනිකඩවනං මැරිල යන්න බෑ. මොන ලයින්ද බං .. යමං යමං ගිම්හාන් ඉස්සර උනා.. ඒක නෙවේ කවුද බං අර උඹත් එක්ක ඉස්සර.වෙලා කතාකරකර හිටපු කෑල්ල.. අඩෝ කිරි ටොයිස් ... කවුද බං ඒ චාමර ඇහුවා.. එයා අරලියා ගිම්හාන් කිව්වෙ ඇහෙන නෑහෙන ගානට.. ආහ්.. එයාහ් ..අරලියායායාහ්.. හසිය ඇදල පැදල කිව්ව.. කෑ ගහන්න එපා බං, හරිනෑනෙ ගිම්හාන් කිව්ව.. ඔව් ඔව්.. අපේ නෑන පොඩ්ඩගෙ නම එහෙම කියන එක හරිනෑ.. අරලියා මහත්මිය කියමුකො.. චාමර හසිට පහක් දැම්මා.මට දුක පිංවතුනි , මේ පින කලින් පල නොදී, පලදීමට ඒලෙවල් අන්තිම මාස හය වෙනකන් ඉඳීමත්,අපිට ගස්,ගල්, බස් හෝල්ට්,උයන්වතු, ෆිල්ම් හෝල් ගානේ මුගේ වියදම්න් , අපේ මහන්සියෙන් තනි රැකීමට, මුරකිරීමට සහ කෙල්ලගේ යාලුවන්ට ලයින් පාරක් දැමීමට ඇත්තේ ඉතා සුලු කාලයක් වීමත්.. අනෙ උඹෙ බණ.. පලයන් වද නොදී.. ගිම්හාන් කිව්වත් ඒ කියන දේවලට ගිම්හාන් ට හිතට දැනුනේ කවදාවත්ම දැනිල නැති සතුටක්. එයා මට ඇත්තටම කැමතිද..?? පිස්සුද යකෝ මනුස්ස කමට කතාකලාට කෙල්ලො යාලුවෙන්නෙ නෑ.. ගිම්හාන් ගෙම ඔලුවෙ එක පැත්තක් කෑගැහුව.. ඒත් එයා යද්දි ඒ විදියට මං දිහා බැලුවෙ....
ඒ ඒකි උඹට කැමති නිසා බූරුවො.. ඔලුවෙ අනිත් පැත්තෙන් කිව්ව..

තුෂාර ආසිරි .

No comments:

Post a Comment